Alaksiej Švakaŭ.
Udzieł u pasiadžeńni pryniali ministr justycyi Siarhiej Chamienka i namieśnik ministra Mikałaj Staravojtaŭ.
Ministr pavinšavaŭ novych kiraŭnikoŭ BRKA i pažadaŭ, kab słova «advakat» zaŭsiody hučała horda. U svaju čarhu Mikałaj Staravojtaŭ pažadaŭ novym kiraŭnikam BRKA trymać vysokuju płanku.
Takija pažadańni ŭsprymajucca nieadnaznačna na fonie taho, što ŭ apošni hod u šerahach advakackaj prafiesijnaj supolnaści adbyvajucca maštabnyja čystki. Mnohija advakaty, jakija zajmalisia abaronaj paciarpiełych ad palityčnych represij, vystaŭlajucca na atestacyi, jakich nie prachodziać. U vyniku atrymlivajecca tak, što advakataŭ, hatovych supraciŭlacca dziaržaŭnamu cisku, zastajecca ŭsio mienš i mienš.
U toj ža čas novy zakon ab advakatury praduhledžvaje sproščanuju mahčymaść iści ŭ advakaty byłym siłavikam.
Alaksiej Švakaŭ pracuje advakatam z 2000 hoda, jon byŭ staršynioj Minskaj haradskoj kalehii advakataŭ.
Papiaredni staršynia BRKA, člen Savieta Respubliki Viktar Čajčyc, uznačalvaŭ kalehiju z 2011 hoda. Pierad vybarami prezidenta ŭ 2020 hodzie zaklikaŭ advakataŭ ustrymacca ad zajaŭ ab tym, što «drenna pracuje ŭsia sistema i nie paddavacca na pravakacyi». Siońnia stała viadoma pra jahony sychod z pasady.
Čytajcie taksama:
«Nie treba leźci ŭ palityku». Čym zapomniŭsia Viktar Čajčyc, jaki 10 hod kiravaŭ advakaturaj u Biełarusi
Viktar Čajčyc sychodzić z pasady kiraŭnika Biełaruskaj respublikanskaj kalehii advakataŭ
