Paźniej u pres-słužbie apieratyŭnaha kamandavańnia «Poŭnač» dadali, što prysutnaść biełaruskich vojskaŭ na Čarnihaŭščynie fiksujuć užo treci dzień. Identyfikujuć ich pa markiroŭcy ŭ vyhladzie znaka «O». Taksama tam dadali, što ŭ biełarusaŭ słaby bajavy duch i jany nie chočuć vajavać suprać ukraincaŭ. 

Ale dakumientalnych paćviardžeńniaŭ prysutnaści biełarusaŭ va Ukrainie (fota, videa, dakumientaŭ) niama. Inšych krynic, akramia Kiryłava, niama taksama.

Raniej pa ŭkrainskich telehram- i telekanałach demanstravali tablicu raspaznavańnia simvałaŭ na rasijskaj vajskovaj technicy, dzie simvałam O abaznačanyja «siły ź Biełarusi».

Kali źjaviłasia videa sa znakam «O» na technicy, byli zroblenyja vysnovy, što na Čarnihaŭščynu ŭvajšli biełarusy. 

Nasamreč, na ŭsich videa ź Biełarusi vajskovaja technika Rasii mieła simvał V.

Pakul niama nivodnaha paćvierdžańnia ŭdziełu biełaruskich vajskoŭcaŭ u vajnie va Ukrainie. Łukašenka ŭsialak heta taksama abviarhaje. U toj ža čas jon pryznaŭ, što rakietnyja ŭdary pa terytoryi Ukrainy nanosilisia z terytoryi Biełarusi i na asnovie źviestak biełaruskaj raźviedki. 

Šmatlikija videazapisy i zdymki sa spadarožnikaŭ taksama dakazvajuć, što rasijskija vojski ŭvarvalisia va Ukrainu ŭ tym liku z terytoryi Biełarusi, i biełaruskija siłavyja struktury nijak hetamu nie supraćdziejničali.

U toj ža čas tysiačy biełarusaŭ uziali ŭdzieł u akcyjach pratestu suprać napadu na Ukrainu. Viadoma pra jak minimum 865 zatrymanych na ich.

Kali źjaviacca dakumientalnyja paćvierdžańni prysutnaści biełaruskich vajskoŭcaŭ va Ukrainie, my pra heta paviedamim. 

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?