Fota ilustracyjnaje.

Fota ilustracyjnaje.

Zrešty, adznačyŭ Daniłaŭ, sprobu zamachu ŭdałosia svoječasova raskryć dziakujučy pradstaŭnikam rasijskaj Fiederalnaj słužby biaśpieki, jakija nie padtrymlivajuć uvarvańnie Rasii va Ukrainu. Jany paviedamili pra heta ukrainskim śpiecsłužbam — u vyniku častka «kadyraŭcaŭ» likvidavanaja, a inšaja častka — «pad prycełam».

«Śpiecapieracyja, jakuju pavinny byli zrabić niepasredna «kadyraŭcami» pa likvidacyi našaha prezidenta, nam na siońnia całkam viadomaja. I ja mahu skazać, što my atrymali infarmacyju ad pradstaŭnikoŭ FSB, jakija na siońnia nie majuć žadańnia ŭdzielničać u hetaj kryvavaj vajnie. I dziakujučy hetamu była źniščana taja «kadyraŭskaja» elitnaja hrupa, jakaja siudy adpraviłasia mienavita dla likvidacyi našaha prezidenta».

Daniłaŭ udakładniŭ, što «kadyraŭcy» byli raźmierkavanyja na dźvie hrupy.

«My ich adsočvali. Adna hrupa była nakrytaja ŭ Hastomieli. Inšaja hrupa ciapier, skažam tak, znachodzicca pad prycełam», — padkreśliŭ jon.

28 lutaha ŭ svaim telehram-kanale kiraŭnik Čačni Ramzan Kadyraŭ pryznaŭ hibiel va Ukrainie dvuch vajskoŭcaŭ z Čačni, ale nie paviedamiŭ ich imiony: «Siarod uradžencaŭ Čačenskaj respubliki ŭžo jość, na žal, straty. Dvoje pamierli, jašče šaściora atrymali ranieńni roznaj stupieni».

Zrešty, ni Kadyraŭ, ni Kreml nie kamientavali zajaŭ ŭkrainskaj ułady pra «kadyraŭcaŭ», jakija «pryjechali ŭ Ukrainu dla likvidacyi prezidenta Zialenskaha».

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?