Padbitaja rasijskaja BMD u Bučy, Kijeŭskaja vobłaść. Fota radyjo «Svaboda».

Padbitaja rasijskaja BMD u Bučy, Kijeŭskaja vobłaść. Fota radyjo «Svaboda».

Hienštab USU apublikavaŭ zvodku pa stanie na 24.00 6 sakavika:

«Supiernik praciahvaje nastupalnuju apieracyju suprać Ukrainy, zasiarodžvajučy asnoŭnyja namahańni na akružeńni haradoŭ Kijeŭ, Charkaŭ, Čarnihaŭ, Sumy i Mikałajeŭ, vychadzie na administracyjnyja miežy ŭ Łuhanskaj i Danieckaj abłaściach, stvareńni suchaputnaha kalidora z boku AR Krym u kirunku Maryupal — Novaazoŭsk.

Kančatkovaj mety na praciahu adzinaccaci sutak akupacyjnych dziejańniaŭ zachopniki nie dasiahnuli.

Hrupoŭka voraha pierajšła da nazapašvańnia resursaŭ dla šturmu Kijeva.

Adnačasova akupanty nie pakidajuć sprobaŭ ažyćciavić padrychtoŭku da nastupu na Paleskim, Sievierskim, Danieckim, Taŭryckim kirunkach.

Na Paleskim kirunku praciŭnik sprabuje ŭziać pad poŭny kantrol harady Buča i Irpień i nablizicca da stalicy Ukrainy.

U rajonie horada Irpień vorah ažyćciaŭlaje vysoŭvańnie tankavych i motastrałkovych padraździaleńniaŭ.

Z terytoryi Respubliki Biełaruś praz Čarnobylskuju zonu adčužeńnia praciahvajecca pastaŭka paliva dy inšych materyjalnych srodkaŭ dla akupacyjnych vojskaŭ.

Na Sievierskim kirunku akupanty sprabujuć zabiaśpiečyć taktyčnuju pieravahu dla vychadu da ŭschodnich uskrain Kijeva praz Bravarski i Baryspalski rajony, a taksama ŭstanaŭleńnia kantrolu nad haradami Čarnihaŭ i Sumy.

Paśla naniasieńnia padraździaleńniami Uzbrojenych sił Ukrainy ŭdaraŭ u rajonach Novaja Basań i Skrypali praciŭnik panios značnyja straty, ažyćciaŭlaje pieradysłakacyju dadatkovych sił dla papaŭnieńnia žyvoj siły i techniki.

Na Taŭryckim kirunku akupanty siłami da troch BTHr viaduć nastup u kirunku horada Zaparožža. Im udałosia adnavić ruch ciahnikoŭ pa Antonaŭskim čyhunačnym moście cieraz raku Dniapro.

Akramia taho, praciahvajecca prasoŭvańnie padraździaleńniaŭ praciŭnika ŭ paŭnočna-ŭschodnim napramku ŭzdoŭž raki Inhuł. BTHr farsiravała raku i zaniała nasieleny punkt Kašpiera-Mikałajeŭku.

Hrupoŭka sił abarony Ukrainy praciahvaje vieści abarončuju apieracyju na Paŭdniovym, Uschodnim i Paŭnočnym kirunkach», — havorycca ŭ zvodcy.

Hienštab taksama zajaviŭ pra vyzvaleńnie Čuhujeva — rajcentra ŭ Charkaŭskaj vobłaści, jaki raniej paśla ciažkich bambiožak častkova pierajšoŭ u ruki rasijan. Pad Charkavam rasijskija vojski natyknulisia na ŭpartuju abaronu ŭkrainskaj armii. Učora prezident Ukrainy nadaŭ Charkavu, razam z Maryupalem, Vałnavachaj, Hastomielem, Chiersonam i Čarnihavam zvańnie «haradoŭ-hierojaŭ».

Minabarony Brytanii zajaviła, što pavodle źviestak brytanskaj raźviedki za vychadnyja rasijskija vojski amal nie prasunulisia. U hetym brytancy bačać prykmiety taho, što rasijski nastup idzie nie pa płanie.

Rabotniki ŽKH zamaloŭvajuć nadpis «Nie vajnie» na lodzie ŭ Pieciaburhu, 6 sakavika. Fota z sacyjalnych sietak.

Rabotniki ŽKH zamaloŭvajuć nadpis «Nie vajnie» na lodzie ŭ Pieciaburhu, 6 sakavika. Fota z sacyjalnych sietak.

Ukrainskija vajskoŭcy znajšli ŭ zachoplenaha ŭ pałon aficera dakumienty, jakija śviedčać, što Rasija čakała spynieńnia supracivu praz dva dni.

RF z pačatku vajny vypuściła pa Ukrainie 600 rakiet i vykarystała 95% sabranych na miežach siłaŭ. Pra heta paviedamlaje CNN sa spasyłkaj na vysokapastaŭlenaha čynoŭnika ministerstva abarony ZŠA.

Zachodnija raźviedki mierkavali, što Kijeŭ, Charkaŭ i Maryupal paduć za 1—4 dni, ale hetaha, na ździŭleńnie śvietu, nie zdaryłasia. Maryupal praciahvaje bicca ŭ akružeńni. Charkaŭ i pradmieści Kijeva trymajucca pad žorstkimi abstrełami, i navat liniju frontu vakoł «DNR» rasijanam prarvać nie ŭdałosia, na hetym učastku rasijskaja armija nastupaje tolki ŭ fłanh, z boku dziaržaŭnaj miažy RF i Ukrainy.

Adnak ukraincy praciahvajuć vajavać u situacyi poŭnaj pieravahi Rasii ŭ pavietry i rakietnym uzbrajeńni. Niahledziačy na prośby Kijeva, Zachad nie tolki nie ŭvioŭ nad Ukrainaj biespalotnuju zonu, ale i abmiažoŭvajecca ŭ pastaŭkach zbroi supraćtankavaj i supraćviertalotnaj zbrojaj.

Šmattysiačnaja akcyja za ŭviadzieńnie biespalotnaj zony nad Ukrainaj adbyłasia kala Biełaha doma. Aktyŭny ŭdzieł u joj uziali taksama biełarusy ZŠA. Fota Ukrinfarm.

Šmattysiačnaja akcyja za ŭviadzieńnie biespalotnaj zony nad Ukrainaj adbyłasia kala Biełaha doma. Aktyŭny ŭdzieł u joj uziali taksama biełarusy ZŠA. Fota Ukrinfarm.

U toj ža čas ŚMI paviedamlajuć ab prybyćci va Ukrainu pieršych brytanskich dobraachvotnikaŭ, vieteranaŭ armii. Hetym razam Zachad u adkaz na dziejańni Rasii ŭsio čaściej pačynaje dziejničać tymi ž mietadami, što Maskva. 

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?