Entani Blinkien i Hitanas Naŭsieda. Fota: J. Stacevičiaus, LRT

Entani Blinkien i Hitanas Naŭsieda. Fota: J. Stacevičiaus, LRT

Pra heta paviedamlaje nacyjanalnaje litoŭskaje teleradyjoviaščańnie LRT.

«My pavinny dapamahčy Ukrainie usimi mahčymymi sposabami, u tym liku i vajskoŭcami. Kali my chočam paźbiehnuć Treciaj suśvietnaj vajny, my pavinny zrabić heta ciapier. Rasija źjaŭlajecca doŭhaterminovaj pahrozaj dla sajuźnikaŭ NATA i biaśpieki Jeŭropy ŭ cełym. Hetaja pahroza zachavajecca niezaležna ad zakančeńnia vajennaha ŭvarvańnia Rasii va Ukrainu. My pavinny surjozna padrychtavacca da abarony», — skazaŭ Naŭsieda.

Na sustrečy abmiarkoŭvałasia nieabchodnaść pavyšeńnia abaronazdolnaści ŭ Bałtyjskim rehijonie, u tym liku supraćpavietranaj, i padkreślivałasia važnaść uzmacnieńnia vajskovaj prysutnaści ZŠA ŭ Litvie i krainach Bałtyi. Na dumku kiraŭnika dziaržavy, pierad rasijskaj vajennaj pahrozaj stratehii efiektyŭnaha strymlivańnia ŭžo niedastatkova, jaje nieabchodna zamianić stratehijaj poŭnaj hatoŭnaści da abarony. Litva hatovaja pryniać ratacyjnyja siły ZŠA na pastajannaj asnovie, a taksama dadatkovyja vojski ZŠA, zabiaśpiečyŭšy nieabchodnuju padtrymku.

Naŭsieda padkreśliŭ, što dla Litvy vielmi važna i ŭ dalejšym raźvivać stratehičnaje partniorstva z ZŠA ŭ śfiery biaśpieki i abarony, zabiaśpiečvać chutkaje vykanańnie svaich abaviazacielstvaŭ u halinie nacyjanalnaj abarony.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?