Anton Karynievič

Anton Karynievič

«My siońnia ŭ budynku, jaki nazyvajecca Pałacam Miru, ale doma majoj krainie pahražaje ahresiŭnaja vajna. Ja staju tut, u pamiaškańni, jakoje nazyvajecca vialikaj załaj pravasudździa, ale doma maje ziemlaki bačać tolki niespraviadlivaść rasijskich bombaŭ i rakiet, jakija padajuć na našy harady i rajony.

Pakul ja staju pierad sudom, ukraincy — pad śmiarotnymi atakami. Niebiaśpieka navisła nad miljonami ludziej. Pradstaŭnik AAN pa pravach čałavieka paviedamlaje ab značnaj kolkaści achviar siarod mirnaha nasielnictva. Napad Rasii na Ukrainu prymusiŭ bolš za 1,5 miljona ludziej biehčy z krainy. Jašče bolš ludziej pakinuli svaje damy i zastajucca ŭnutry krainy. Bolš za 15 tysiač čałaviek, bolšaść ź jakich žančyny i dzieci, znajšli prytułak u kijeŭskim mietro. Tam, u mietro, naradžajucca dzieci. Balnicy začyniajucca. Usio heta — štodzionnaja realnaść, ź jakoj sutykajucca ludzi va Ukrainie ciapier. <…>

Viadoma, heta nie pieršy raz, kali Ukraina naŭprost adčuvaje toje, što Rasija hrebuje mižnarodnym pravam. Ciapier śviet bačyć śmierć, jakuju niasie hetaje hrebavańnie, i nianaviść jaje [Rasii] žorstkaści.

Toj fakt, što miescy rasijskaj delehacyi [u siońniašnim sudzie] pustyja, kažuć sami za siabie. Jany nie tut, u hetym sudzie. Jany na poli boju viaduć ahresiŭnuju vajnu suprać majoj krainy. Heta toje, jak Rasija vyrašaje sprečki. Ale Ukraina prytrymlivajecca inšaj pazicyi i pavažaje nacyjanalnaje prava i hety sud.

Usio ž Rasija viedaje, što mižnarodnaje prava maje značeńnie, inakš navošta joj sprabavać apraŭdać svaju ahresiju? Hetaja vajna, pa słovach Rasii, kab spynić hienacyd. Ja pracytuju słovy prezidenta Rasii, jakija jon vymaviŭ ranicaj, kali zahadaŭ uvarvacca va Ukrainu. Jon skazaŭ: «My pavinny spynić hety kašmar, hety hienacyd». Meta vajny, pa jaho słovach, abaranić ludziej ad hienacydu. Heta žudasnaja chłuśnia! Pucin chłusić, a ŭkraincy, našy hramadzianie, pamirajuć.

Heta nie Ukraina pravodzić hienacyd. Heta Rasija, jaje palityčnaje kiraŭnictva i vajskoŭcy ździajśniajuć złačynstvy suprać čałaviectva i vajennyja złačynstvy na terytoryi Ukrainy.

Za apošnija dva tydni mnohija ludzi ŭspaminali ab Druhoj suśvietnaj vajnie. Rasija apahańvaje pamiać pra Chałakost, zajaŭlajučy, što «denacyfikuje» Ukrainu. «Denacyfikuje» Ukrainu ad jaje demakratyčnaha ŭrada.

Ja čuŭ, jak niekatoryja adznačali, što Jeŭropa nie bačyła takoj ahresii i kanfliktu z časoŭ Druhoj suśvietnaj vajny. Sapraŭdy darečy ŭspomnić ab Druhoj suśvietnaj vajnie, ale ź inšych pryčyn. My pavinny ŭspomnić ab tym, što ŭ Druhoj suśvietnaj vajnie ŭkraincy i rasijanie zmahalisia razam i pamirali razam, kab spynić zło.

My pavinny ŭspomnić, što na popiele Jeŭropy, paśla Druhoj suśvietnaj vajny, śviet pabudavaŭ sučasnyja słupy mižnarodnaha prava. Dva z hetych słupoŭ samyja važnyja. Śviet staŭ śviedkam ahresii i adkazaŭ na jaje Statutam AAN. Śviet staŭ śviedkam Chałakosta i adkazaŭ na jaho Kanviencyjaj ab papiaredžańni złačynstva hienacydu i pakarańni za jaho. Śviet skazaŭ: «Nikoli bolš» dvuch prajaŭ zła nacyzmu — ahresii i hienacydu.

Na žal, siońnia Rasija skryviła hetyja słovy. Jana nie razhladaje abaviazak praduchilać i karać akty hienacydu jak śviaty. Jana vykarystoŭvaje jaho jak zbroju. Iłžyva abvinavačvajučy ŭ hienacydzie, Rasija vykarystoŭvaje adzin sa słupoŭ sučasnaha mižnarodnaha pravaparadku, kab źniščyć inšy słup. Iłžyva abvinavačvajučy ŭ hienacydzie, kab apraŭdać svaju ahresiju, Rasija apahańvaje Kanviencyju ab hienacydzie.

<…> Sprava Ukrainy prostaja.

Rasija vinavacić Ukrainu ŭ hienacydzie. Ukraina admaŭlaje heta abvinavačvańnie ŭ samych mocnych vyrazach. I my heta dakažam.

Rasija zajaŭlaje, što kab spynić nieisnujučy hienacyd, jana moža ŭvarvacca ŭ suvierennuju dziaržavu — Ukrainu. Ukraina abviarhaje hetyja nieabhruntavanyja abvinavačvańni ŭ złačynstvie.

Majo paviedamleńnie Rasii takoje: davajcie vyrašym našu sprečku jak cyvilizavanyja nacyi. Składzicie zbroju, vysuńcie svaje dokazy. Ukraina pavažaje hety sud i padparadkujecca jaho rašeńniam. Rasija taksama pavinna.

Ale kali Rasija sama nie vierniecca da zachavańnia mižnarodnaha prava, u suda jość mahčymaść dziejničać. U suda jość abaviazak dziejničać. Rasija adnosicca da vašaj jurysdykcyi pa Kanviencyi ab hienacydzie. Ciapier jana abražaje i parušaje hetuju kanviencyju, kab zabivać ukraincaŭ i razburyć Ukrainu. Rasiju treba spynić! I sud pavinien u hetym udzielničać».

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?