«Pavažanyja kiraŭniki kampanij-rezidentaŭ PVT! Administracyja PVT sumiesna ź dziaržorhanami viadzie pracu pa raspracoŭcy apieratyŭnych mier padtrymki IT-haliny i jaje dalejšaha raźvićcia va ŭmovach biahučaj situacyi. Nam važna pačuć mierkavańnie kožnaha rezidenta i ŭ pieršuju čarhu — vašy prapanovy pa pieršačarhovych mierach, jakija dapamohuć vašaj kampanii siońnia», — napisana ŭ liście.

Padpisanaje paviedamleńnie namieśnikam dyrektara administracyi PVT Alaksandram Marcinkievičam.

U PVT ad dadatkovych kamientaroŭ admovilisia.

Paśla napadu Rasii na Ukrainu i anansavańnia balučych sankcyj suprać Rasii i Biełarusi, terytoryja jakoj vykarystoŭvajecca ahresaram dla atak, «Naša Niva» atrymała šmat sihnałaŭ pra imklivuju rełakacyju prahramistaŭ.

Kiraŭniki biełaruskich kampanij nazyvajuć pryčynami rezkich uciokaŭ niekalki asnoŭnych faktaraŭ.

— Zachodnija zamoŭščyki admaŭlajucca supracoŭničać ź jurydyčnymi asobami, raźmieščanymi ŭ Biełarusi, a taksama kuplać pradukt, zrobleny ŭ Biełarusi.

Heta častka ahulnasuśvietnaha trenda pa vypichvańni biełaruskich i rasijskich tavaraŭ sa svaich rynkaŭ, heta datyčyć i IT-tavaraŭ taksama. Stavicca ŭmova źmieny jurysdykcyi kampanii i znachodžańnia ludziej. 

— Hłabalny rynak IT-aŭtsorsu straciŭ hihanckuju častku pracoŭnaj siły paśla pačatku vajny va Ukrainie — dziasiatki tysiač ukrainskich prahramistaŭ nie mohuć narmalna pracavać, zajmajučysia pytańniami abarony Radzimy i vyžyvańniem.

Roŭna jak i nie mohuć pakinuć terytoryju krainy, bo chłopcaŭ pryzyŭnoha ŭzrostu, jakich bolšaść u prafiesii, nie vypuskajuć za miažu. IT-kampanii niepakojacca, što, kali Łukašenka pačnie vajnu i abvieścić mabilizacyju, u toj samaj situacyi apynucca ź dziasiatkami tysiač biełaruskich supracoŭnikaŭ, jakija ŭmomant stanuć nievyjaznymi, to lepš evakujavać ich, pakul možna. 

— Adznačajucca prablemy finansavych raźlikaŭ z klijentami, kali ŭ ich navat i niama pryncypovych pazicyj pa raźmiaščeńni piersanała: niama nijakaj harantyi, što ŭ karotkaterminovaj ci siarednieterminovaj pierśpiektyvie płaciažy ŭ bok Biełarusi z Zachadu buduć ažyćciaŭlacca.

— Taksama niama nijakich harantyj, što možna budzie vypłačvać zarobki ŭ dołarach, jak było damoŭlena kantraktami. Bo z paharšeńniem valutnaj situacyi źjaviłasia prablema, što pry naličvańni zarobku na dołaravuju kartu bank zaličvaje jaje pa aficyjnym kursie, ale, za košt vialikaha spredu pamiž kuplaj i prodažam dołara (2,8—3,5), pry raźliku takoj kartaj adtul śpisvajecca u rublach bolš, čym było zaličana.

Adpaviedna, zarobak prahramista padaje z tempami inflacyi (vydavać valutaj zarobak u Biełarusi nielha, jak i raźličvacca, na ŭzroŭni buchhałteryi pradpryjemstvaŭ i apłaty ŭsio kanviertujecca ŭ rubli)». 

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?