«Heta ŭsio pradukty ŭłasnaj vytvorčaści albo rasijskaja pradukcyja, — tłumačyć ekanamist i siabra palitrady Abjadnanaj hramadzianskaj partyi Leŭ Marholin u intervju prajektu «Filin». — Kali niešta i moža stać deficytam, to heta impartnyja tavary.

Nazvanyja vyšej pradukty — heta bolš nabor dla vajny, ale ja ŭsio ž taki spadziajusia, što na terytoryi Biełarusi vajennych dziejańniaŭ nie budzie.

Što tyčycca impartnych tavaraŭ, adznaču, što jany rezka padaraželi. Ceny na ich buduć raści. Adpaviedna, jany aŭtamatyčna stanoviacca mienš dastupnymi dla bolšaści hrup nasielnictva.

Niekatoryja tavary stanuć niedastupnymi pa pryčynie, što mnohija mižnarodnyja kampanii prypyniajuć abo spyniajuć supracoŭnictva ź biełaruskimi handlovymi sietkami, navat niahledziačy na najaŭnaść abo adsutnaść sankcyj — pa ŭłasnaj inicyjatyvie.

Hałoŭny krytyčny impart dla našaj krainy — heta, pierš za ŭsio, miedykamienty. Jany stanuć daražej u 1,5 — 2 razy, i da hetaha treba być hatovym.

Što tyčycca tavaraŭ praciahłaha karystańnia, jany mohuć źniknuć z palic, tamu što ludziam, u jakich jość zapasy ŭ rublach, bolš vyhadna zakupić televizary, chaładzilniki, plity i hetak dalej. Kali jany płanavali takija pakupki, heta paskoryć ich rašeńnie.

Ź inšaha boku, heta moža być niadrennym układańniem hrošaj. Ceny na hetyja tavary rastuć nie tak chutka, jak kursy ŭ abmieńnikach. Čym kuplać dalar pa zavyšanym kursie, lepš ukłaści ŭ tavar. Ale heta bolš pytańnie zachavańnia nazapašvańniaŭ, čym spažyvańnia».

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?