Fota: DaLiu / depositphotos.com

Fota: DaLiu / depositphotos.com

Minčanka i jaje muž — IT-raspracoŭščyki. Kampanija, u jakoj jany pracujuć, prapanavała im pieravieścisia ŭ ofis u Prazie. U kastryčniku siamja pačała rychtavać dakumienty, u pačatku śniežnia padała ich. Pracoŭnuju vizu jany atrymali ŭ lutym. Jana dziejničaje paŭhoda, ale znachodzicca ŭ Čechii pa joj možna tolki na praciahu 60 dzion.

Razam z synam i sabakam para pierajechała. Na 8 sakavika ŭ ich byŭ zapis ŭ češskaje Ministerstva ŭnutranych spraŭ — kab zdać bijamietryčnyja danyja i atrymać pracoŭnyja kartki (jakija adnačasova źjaŭlajucca i vidam na žycharstva). Kali źjavilisia naviny, što Čechija spyniaje vydačy viz rasiejcam i biełarusam, para była ŭ razhublenaści.

«Nijakaha aficyjnaha dakumienta nie było — my nie razumieli, tyčycca heta nas ci nie. I voś učora pryjšoŭ list — vaša zajava admieniena, my vas nie prymajem.

My nie ŭ samym horšym stanie, kampanija nam prapanuje pierajezd u inšyja krainy. Naprykład, tudy, dzie biełarusam nie patrebny vizy — u Čarnahoryju, Hruziju. Ale, kaniečnie, vielmi nie chočacca hetaha. My pryjechali siudy i spadziavalisia, što zastaniemsia na niejki dastatkova doŭhi čas, pryvieźli ŭvieś svoj skarb. A tut znoŭ treba afarmlać dakumienty (u nas nie ŭsie biełaruskija daviedki z saboj)».

Kampanija raić pary nie zaciahvać z rašeńniem — upeŭnienaści, što ŭłady Čechii «adkruciać» źmieny ŭ praviłach, u ich niama.

«Z-za vialikaj kolkaści ŭciekačoŭ z Ukrainy, viedamstvy pierastali prymać pa zapisie, tolki pa žyvoj čarzie. U supołcy biełarusaŭ Prahi pisała žančyna, što jana pryjechała, kab padać dakumienty na abjadnańnie ź siamjoj, adstajała čarhu siem hadzin i jaje nie zarehistravali mienavita tamu, što ŭ jaje biełaruski pašpart. Skazali iści čakać dalejšych ukazańniaŭ».

Pakul siamja ŭ Prazie.

«Niezvyčajna kryŭdna, što Čechija, jakaja zaŭsiody padtrymlivała biełarusaŭ, jakaja zdymaje sacyjalnuju rekłamu, u jakoj zaklikaje nie ckavać ruskamoŭnych i śćviardžaje, što prostyja ludzi nie pavinny pakutavać, sama litaralna vykidvaje prostych ludziej za toje, što ŭ ich nie toj pašpart.

My ž nie jeździli na praŭładnyja prabiehi, my demakratyčnaja častka Biełarusi. Jašče ŭ śniežni Cichanoŭskaja abmiarkoŭvała z Čechijaj uviadzieńnie biaźvizu, a tut raptam usie biełarusy stali vorahami, i ich nie chočuć bačyć».

Čytajcie taksama:

Čechija spyniaje vydaču vizaŭ biełaruskim hramadzianam

Cichanoŭskaja praviała kansultacyi ź jeŭrapiejskimi dypłamatami nakont čutak, što biełarusam pierastanuć vydavać vizy

Krynicy ŭ dypkorpusie: ES rychtuje rašeńnie ab spynieńni vydačy viz hramadzianam Biełarusi

U Čechii vypuścili sacyjalnuju rekłamu z zaklikam nie ckavać ruskamoŭnych

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?