Paśla suda palitviaźnia etapavali ŭ viciebskuju kałoniju «Vićba», dzie jon i ciapier adbyvaje pakarańnie.

«Dniami pryjšoŭ čarhovy list ad Leanida, — raspaviała «Narodnaj Voli» Aksana, žonka palitviaźnia. — Va ŭsich listach paviedamlaje, što jamu nijakuju karespandencyju nie addajuć. 27 studzienia jaho etapavali ŭ kałoniju, i z taho času faktyčna nivodnaje piśmo z voli nie atrymaŭ — navat ad mianie i ad dziaciej».

Pravaabaronca pracuje ŭ 8-m atradzie kałonii — roznarabočym na drevaapracoŭcy.

«Prybiraje piłavińnie, niešta prynosić, niešta adnosić, tamu nie vielmi składanaja praca, — kaža Aksana. — A voś pa zdaroŭi režym nie źmienieny.

Dniami advakatka chacieła ŭ kałonii spatkacca ź Leanidam, ale nie ŭdałosia. Muža da advakata tak i nie pryviali. Matyvacyja była takaja: maŭlaŭ, jon vielmi mocna zaniaty na rabocie, i adarvać jaho ad pracy nie ŭjaŭlajecca mahčymym.

9 sakavika advakat čarhovy raz naviedajecca ŭ kałoniju, tamu, spadziajusia, hetym razam usio atrymajecca. Choć niejkija naviny daviedajusia. Spadziajusia taksama i na spatkańnie».

Клас
Панылы сорам
Ха-ха
Ого
Сумна
Абуральна