U Maryupali achviar bambiožak chavajuć u bratnich mahiłach. Fota: Jaŭhienij Małaletka, AR.

U Maryupali achviar bambiožak chavajuć u bratnich mahiłach. Fota: Jaŭhienij Małaletka, AR.

Ataka na špitalny kompleks u Maryupali adbyłasia prykładna ŭ 17 hadzin 9 sakavika. Rakieta, na ščaście, trapiła ŭ skvier u dvary, tamu, choć budynki i razburanyja, kolkaść achviar adnosna nievialikaja: try čałavieki zahinuli i jašče 17 atrymali ranieńni.

Maryupal, u jakim da vajny žyło bolš za 400 tysiač čałaviek, užo bolš za tydzień isnuje pad abstrełami. U horadzie niama vady i elektryčnaści, a tyja žychary, što jašče zastalisia, chavajucca ad bomb i snaradaŭ u padvałach.

Za čas supraćstajańnia, pa danych miascovych uładaŭ, u horadzie zahinuła bolš za 1200 mirnych hramadzian. Usich niemahčyma padličyć, bo cieły znachodziacca ŭ zonach mocnych abstrełaŭ. U sieradu cieły 47 žycharoŭ Maryupala pachavali ŭ brackaj mahile.

Abstreły Maryupala i anałahičnyja ataki na inšyja ŭkrainskija harady pakazvajuć, što Maskva, jakaja nie zdoleła zachapić Ukrainu blickryham, ciapier hatovaja prasoŭvacca, nie zvažajučy na košt bajavych dziejańniaŭ dla mirnych hramadzian.

9 sakavika pres-sakratar Pucina Dźmitryj Piaskoŭ abvinavaciŭ ZŠA u tym, što kraina abviaściła Rasii ekanamičnuju vajnu. Pierad hetym amierykanski prezident Bajden zabaraniŭ impart nafty i inšych enierharesursaŭ z Rasii.

Amierykanski dziaržsakratar Entani Blinkien i kiraŭnica brytanskaha MZS Liz Tras abviaścili ŭ sieradu padčas sumiesnaj pres-kanfierencyi, što Zachad praciahnie ažyćciaŭlać dypłamatyčny i ekanamičny cisk na Rasiju, ale pry hetym jany znoŭ paviedamili pra niežadańnie zachodnich ŭradaŭ stvarać nad Ukrainaj biespalotnuju zonu. Pientahon taksama admoviŭ u pieradačy Ukrainie «Mihaŭ», što chacieli zrabić niekatoryja ŭschodniejeŭrapiejskija členy NATA.

U čaćvier Siarhiej Łaŭroŭ i jaho ŭkrainski kaleha Dźmitryj Kuleba sustrelisia ŭ Antalji. Sustreča dypłamataŭ nie pryviała da niejkaha značnaha prahresu. Kuleba nazvaŭ pieramovy ciažkimi, a Łaŭroŭ na pres-kanfierencyi pa vynikach pieramovaŭ zapeŭniŭ, što Rasija nie źbirajecca ni na kaho bolš napadać, i na Ukrainu taksama nie napadała.

Žyćcio pad abstrełami

U minułyja dni rasijskija vojski spyniali abstreły ŭ rajonach niekatorych haradoŭ, kab mirnyja žychary mahli ich pakinuć. Tak, kala 50 tysiač žycharoŭ vyjechali z Sumaŭ na zachad Ukrainy. Žychary pryharadaŭ Kijeva pieramiaščajucca ŭ samu stalicu, jakuju pakul nie abstrelvajuć masava, u adroźnieńnie ad druhoha pa pamiery horada Ukrainy, Charkava.

U Kijevie, hałoŭnaj celi rasijskich vojskaŭ, na vulicach ciapier amal nie sustreć miascovych žycharoŭ — tolki sałdaty i staryja ludzi. Kali na kijeŭskim Majdanie Niezaležnaści ŭ honar dnia naradžeńnia Tarasa Šaŭčenki i ŭ znak niazłomnaści adbyŭsia kancert kłasičnaj muzyki, na im prysutničali zbolšaha tolki zamiežnyja žurnalisty.

Hienštab Uzbrojenych sił Ukrainy paviedamiŭ, što rasijskija vojski praciahvajuć nastupać na bolšaści frantoŭ — u tym liku pad Charkavam i Mikałajevam, klučavym portam na poŭdni krainy. Rasijanie pavolna akružajuć Kijeŭ. Za apošnija dni jany zachapili novyja pryharady na zachad i ŭschod ad stalicy. Rasijanie taksama nanosiać udary pa ŭkrainskich pazicyjach na paŭdniovy zachad ad Kijeva, kala stratehična važnaj trasy Kijeŭ — Adesa.

Kolkaść uciekačoŭ z Ukrainy pieravysiła 2 miljony čałaviek.

U Sievieradaniecku 8 sakavika pad abstrełam zahinuli 10 čałaviek. U Iziumie praciahvajucca zaciatyja vuličnyja bai pamiž rasijskimi i ŭkrainskimi siłami, horad mocna razburany. A ŭ Sumach pad bambiožkaj zahinuŭ 16-hadovy čempijon Ukrainy pa samba, a razam ź im i jaho baćki, babula i dva małodšyja braty.

Zapozna i zamała

Tym časam amierykanski Kanhres uchvaliŭ akazańnie dapamohi Ukrainie na jašče 13,6 miljarda dalaraŭ. Praŭda, vajennyja ekśpierty dapuskajuć, što heta ŭžo zapozna. Kali rasijskija vojski pierarežuć arteryi, što viaduć z zachadu krainy na ŭschod, novaja zbroja nie zmoža dajści da ŭkrainskich hrupovak na linii frontu.

Pa miery rostu kolkaści achviar siarod mirnaha nasielnictva, ukrainski prezident Uładzimir Zialenski ŭzmacniŭ svaju rytoryku na adras Zachadu, jaki admaŭlajecca zakryć nieba nad Ukrainaj dla rasijskaj avijacyja, bajučysia ŭciahvańnia ŭ adkryty kanflikt.

Niasuć ciažkija straty

Ukrainskija aficyjnyja asoby i ŚMI raskazvajuć pra pieramohi ŭkraincaŭ nad lepš uzbrojenymi rasijanami. Ale ŭ pryvatnych razmovach ukrainskija čynoŭniki pryznajuć, što ŭkrainskija vojski vymušanyja adstupać i niasuć ciažkija straty ŭ zmahańni ź lepš uzbrojenym praciŭnikam, jaki daminuje ŭ pavietry.

U Kijevie prajšła pres-kanfierencyja z udziełam rasijskich vajennapałonnych. Jany havaryli, što ŭvarvańnie va Ukrainu było drenna padrychtavanym, a sami vajskoŭcy byli dezinfarmiravanyja nakont svajoj misii. Pałonnyja śviedčyli, što ŭkraincy staviacca da ich dobra, a taksama što jany dobraachvotna vyrašyli pryniać udzieł u pres-kanfierencyi, kab prainfarmavać rasijskuju hramadskaść. Sustreča prachodziła ŭ ofisie ahientcva «Interfaks» pad kantrolem aficeraŭ u maskach sa Słužby biaśpieki Ukrainy.

Клас
0
Панылы сорам
0
Ха-ха
0
Ого
0
Сумна
1
Абуральна
0