Fota: Jandeks

Fota: Jandeks

Biełaruskija karystalniki Ozon i Wildberries užo sutykajucca z prablemami u apłacie tavaraŭ.

«Visa i Mastercard nie prachodziać. Sprabavała płacić kartkaj «Bielinviestbank» — nie pracuje. Atrymałasia z «Biełkart». Tydzień tamu na Wildberries zakazvała tavar za 57 biełaruskich rubloŭ, a śpisałasia 75 — usio z-za skačka kursu. Sprabavała jašče kartaj «Alfa-Banka» apłacić, ale jon u mianie biełaruski, ničoha nie atrymałasia», — kaža čytačka.

U Wildberries prakamientavali, što treba rabić u vypadku prablem z apłataj.

«Prosim vas pryviazać inšuju kartu ŭ asabistym kabiniecie dla praviadzieńnia apłaty ci źviarnucca ŭ bank, jaki vypuściŭ vašu kartku dla ŭdakładnieńnia infarmacyi», — adkazali ŭ słužbie padtrymki.

U Ozon tłumačać, što z 10 sakavika pa rašeńni Visa i Mastercard praź ich płaciežnyja sistemy možna zrabić pieravod tolki z rasijskich kartak i rachunkaŭ.

«Płaciažy z usiaho śvietu my prymajem na rachunak, zarehistravany ŭ Rasii. Tamu ŭ Biełarusi časova možna apłacić zakaz na našym sajcie i ŭ dadatku tolki kartami płaciežnaj sistemy «Biełkart» ci Visa i Mastercard rasijskich bankaŭ. Astatnija pieravody ŭžo prachodzili sa zbojami: adklučyli ich, kab vašy hrošy nie zamarožvalisia z-za doŭhaj apracoŭki płaciažu.

Heta nienadoŭha: starajemsia jak maha chutčej naładzić tranzakcyi praz banki-partniory ŭ Biełarusi i viarnuć apłatu lubymi kartkami».

My źviarnulisia taksama ŭ AliExpress, kab daviedacca, ci nie čakajucca źmieny dla biełaruskich pakupnikoŭ na hetaj placoŭcy.

«Usie płaciažy dla karystalnikaŭ AliExpress Rasija ŭ Respublicy Biełaruś ažyćciaŭlajucca ŭ zvyčajnym režymie, akramia kart bankaŭ, jakija sutyknulisia z abmiežavańniami zamiežnych płaciažoŭ.

My čakajem, što takaja situacyja zachavajecca i dalej dla našych karystalnikaŭ.

Sumiesnaje pradpryjemstva ŭ śfiery elektronnaj sacyjalnaj kamiercyi źjaŭlajecca asobnaj kampanijaj ad hłabalnaj AliExpress, jakaja pradstaŭlenaja ŭ inšych krainach», — adkazała kampanija na naš list.

Pavodle vodhukaŭ pakupnikoŭ, jakija dniami apłačvali tavary kartami Visa, vypuščanymi Biełarusbankam i Pryjorbankam, prablem z hetym nie ŭźnikała.

U Rasii zabaranili prodaž valuty. Toje samaje budzie ŭ Biełarusi? Analizujem

Клас
0
Панылы сорам
0
Ха-ха
0
Ого
0
Сумна
0
Абуральна
0