«Sistema kiravańnia, aryjentavanaja na zvyškancentracyju paŭnamoctvaŭ, užo straciła svaju efiektyŭnaść. Jana nie zdolnaja kansalidavać hramadzianskuju supolnaść ź jaje raznastajnaściu pohladaŭ i pierakanańniaŭ.
<…>
Važny ŭrok trahičnaha studzienia ŭ tym, što kancentracyja paŭnamoctvaŭ u rukach vyšejšaj słužbovaj asoby ŭ dziaržavie nieapraŭdana ŭzmacniaje ŭpłyŭ nabližanych da jaje asob i finansava-aliharchičnych hrup».
Na pačatku hoda ŭ Kazachstanie prajšli masavyja pratesty. Jany pačalisia paśla rezkaha rostu cen na zvadkavany haz na zachadzie krainy, a potym pierakinulisia ŭ byłuju stalicu Ałmaty. Demanstranty pierajšli da palityčnych patrabavańniaŭ, u pryvatnaści zaklikali da poŭnaha sychodu Nazarbajeva z palityki. Paśla pratesty pieraraśli ŭ biesparadki.
Na fonie biesparadkaŭ Takajeŭ źmiaściŭ Nazarbajeva z pasady kiraŭnika Rady biaśpieki krainy, a taksama zamiest jaho ŭznačaliŭ kirujučuju partyju «Nur Atan». Nazarbajeŭ vystupiŭ sa zvarotam, što jon piensijanier i nie ŭmiešvajecca ŭ žyćcio krainy.
