Praz abmiežavańni, uviedzienyja z 21 śniežnia 2020 hoda i matyvavanyja karanavirusam, bolšaść biełarusaŭ faktyčna nie maje prava vyjechać z krainy ŭ ES. Adnak źniaćcie zabarony na svabodnaje pieramiaščeńnie pamiž Biełaruśsiu i Rasijaj značna spraščaje šlach u Jeŭropu.
Kali svabodna trapić u Rasiju, źjaŭlajecca mahčymaść vyjechać u ES praz Łatviju ci Estoniju.
Dla ŭjezdu ŭ Łatviju spatrebicca jeŭrapiejski siertyfikat ab vakcynacyi. Pryščepki, zroblenyja ŭ Biełarusi, dla hetaj krainy nie padychodziać.
Inšy šlach trapić u Łatviju — mieć pry sabie PŁR-test, nie starejšy za 72 hadziny, abo test na antyhien, nie starejšy za 48 hadzin. Ad testaŭ vyzvalenyja dzieci da 12 hadoŭ.
Padrabiaźniej pra praviły ŭjezdu ŭ Łatviju možna pračytać tut.
Estonija maje bolš pryjaznyja ŭmovy ŭjezdu dla vakcynavanych, bo aproč jeŭrapiejskich, prymaje usie vakcyny, uchvalenyja krainaj, ź jakoj zajazdžaje turyst. Takim čynam, navat ź biełaruskim siertyfikatam ab vakcynacyi ŭ vas jość mahčymaść trapić u ES biez karancinu. Dla niepryščeplenych ujezd u Estoniju zakryty. Vyklučeńnie — tranzitny prajezd. Adnak u takim vypadku vam spatrebicca dakazać, što jedziecie praz Estoniju mienavita tranzitam.
Taksama ŭ krainu puściać tych, pierachvareŭ na COVID-19, — u paćvierdžańnie pieraniesienaha zachvorvańnia treba mieć aficyjna zavieranuju daviedku na estonskaj, ruskaj ci anhlijskaj movie abo vypisku z historyi chvaroby. Stanoŭčy vynik testu na antycieły nie źjaŭlajecca dastatkovym dla paćvierdžańnia pieraniesienaha zachvorvańnia.
Atrymać bolš padrabiaznuju infarmacyju ab ujeździe ŭ Estoniju možna pa telefonie +372 794 3500.
Dzie atrymać vizu ES u Biełarusi
