Vajna va Ukrainie. Dvaccać treci dzień ANŁAJN
Bomby i snarady pa-raniejšamu laciać na ŭkrainskija harady. Zamiežnyja śpiecsłužby śćviardžajuć, što ŭ Rasii ŭsio mienš zastajecca sučasnych dakładnych rakiet, a tamu ŭsio bolš iduć u chod staryja, jakija laciać aby-kudy. Ad hetaha ŭzrastaje kolkaść achviaraŭ siarod cyvilnaha nasielnictva. A ŭ Maryupali, pavodle miascovaha čynoŭnika, razburana ŭžo 90% budynkaŭ. Zatoje jość i dobraja navina — bambaschovišča pad dramteatram u Maryupali vytrymała ŭdar bomby i tyja, chto ŭ im chavaŭsia, nie zahinuli. Pacichu viadziecca i evakuacyja nasielnictva, choć tempy ŭsio ž nie tyja. A asoby z ukrainskaha kiraŭnictva vykazvajuć aściarožny aptymizm i spadziajucca, što haračaja faza vajny ŭžo nie praciahniecca nadta doŭha. Členy ž NATA ź liku krain Bałtyi prymajuć na ŭzroŭni parłamientaŭ zvaroty ab nieabchodnaści taki zakryć ukrainskaje nieba. «Naša Niva» praciahvaje sačyć za padziejami va Ukrainie i vakoł jaje.