U Litvie abmiežavali sumu najaŭnych u jeŭra, jakuju možna vyvieźci dla asabistych patreb u Biełaruś i Rasiju. Ciapier padčas pajezdki ŭ hetyja krainy pry sabie možna mieć najaŭnymi tolki da 60 jeŭra na čałavieka.
«Kolkaść najaŭnych hrošaj u inšaj valucie nie abmiežavany», — havorycca ŭ paviedamleńni mytni.
Akramia taho fizičnym i jurydyčnym asobam zabaranili pradavać, davać, pieradavać abo ekspartavać jeŭra ŭ Rasiju i Biełaruś.
Hetyja praviły nie datyčacca dyppradstaŭnictvaŭ i mižnarodnych arhanizacyj u Biełarusi ci Rasii, jakija karystajucca imunitetami ŭ adpaviednaści ź mižnarodnym pravam.
«Kali mytnyja orhany vyjaviać, što zadekłaravanaja suma banknot jeŭra pieravyšaje sumu, dazvolenuju dla vyvazu, dekłaracyju ab najaŭnych hrošach nie vydaduć, a asoba z banknotami jeŭra vierniecca ŭ Litvu», — papiaredžvaje mytnaja słužba.
Za parušeńnie uviedzienych praviłaŭ mohuć pryciahnuć da administracyjnaj adkaznaści.
