Zapis ź vizitu ŭ špital źjaviŭsia na aficyjnaj staroncy Zialenskaha ŭ Facebook. Prezident Ukrainy naviedaŭ paranienych razam ź ministram achovy zdaroŭja Viktaram Laško i svaim pres-sakratarom Siarhiejem Nikifaravym.
Siarod achviar vajny, ź jakimi hutaryŭ Zialenski, byŭ bajec terabarony, što supracoŭničaŭ z amierykanskim žurnalistam Brentam Reno, jaki zahinuŭ pad rasijskim abstrełam u Irpieni.
Taksama Zialenski sustreŭsia ź siamjoj Ułasienka. Baćki i troje dziaciej źbiehli z haradka Vorziel pad Kijevam. Padčas evakuacyi jany trapili pad rasijski abstreł, i tady 16-hadovaja Kaciaryna zakryła svaim ciełam 8-hadovaha brata Ihara. Kaciaryna i jaje maci atrymali ranieńni.
Bačnaja radaść supracoŭnikaŭ špitala padčas sustrečy ź Zialenskim, a taksama šok Kaciaryny, jakaja zusim nie čakała pabačyć prezidenta. Źbiantežanaja, dziaŭčyna raspaviała Zialenskamu, što toj zorka Tyk-toku i tam «usio pra jaho», a jon padaryŭ Kaciarynie bukiet kvietak.
U svajoj publikacyi ŭ Fejsbuku Zialenski addaŭ daninu pavahi ŭsim paranienym: «Siamja Ułasienka, što trapiła pad ahoń voraha padčas evakuacyi z Vorziela. Jany abaranili adzin adnaho svaimi ciełami. Bajec terytaryjalnaj abarony. Kiroŭca zabitaha ŭ Irpieni žurnalista-dakumientalista Brenta Reno. I inšyja śmiełyja žychary Kijeŭščyny. Va ŭsich ich jość adno supolnaje — luboŭ da Ukrainy i niazłomnaja siła duchu. Vyzdaraŭlivajcie chutka!» — napisaŭ jon.
«Siem hadzin ź miaškom na hałavie». Vyzvaleny mer Mielitopala raskazaŭ pra svaje pryhody i nastroi na ŭkrainskim Poŭdni
Jak biełarusy pieradavali žycharam pamiežnaj ukrainskaj vioski humanitarnuju dapamohu
