Paśla bambavańnia harać łakafarbavyja składy ŭ Sumach.
Prasoŭvańnie rasijskich vojskaŭ spyniłasia pa ŭsich napramkach: jany zastajucca na ŭschod i na paŭnočny zachad ad Kijeva, ale nie prasunulisia bližej (na ŭschodzie jany za 30 km ad ukrainskaj stalicy). Da Charkava taksama nie nablizilisia. Čarnihaŭ i Maryupal izalavanyja, ale ŭkraincy praciahvajuć supraciŭlacca. U Mikałajevie rasijskija vojski taksama natyknulisia na supraciŭ ukraincaŭ i ŭvajści ŭ horad nie mohuć. Nijakich novych manieŭraŭ z boku mora ŭ Pientahonie taksama nie nazirajuć.
Baraćba za ŭkrainskuju pavietranuju prastoru praciahvajecca: Rasija jaje nie kantraluje, ukrainskija VPS pa-raniejšamu lotajuć, SPA praciahvaje supraćdziejničać rasijskim samalotam i rakietam.
Kažučy pra rakiety (naprykład, tyja, jakija prylacieli siońnia ŭ aeraport Lvova), u Pientahonie padličyli, što z pačatku ŭvarvańnia Rasija vypuściła 1080 rakiet vialikaj dalokaści pa ŭkrainskaj terytoryi.
Pa acency Pientahona, u rasijskaj vajskovaj hrupoŭki da hetaha času zastajecca kala 90% siłaŭ i srodkaŭ, sabranych da pačatku vajny.
