Razam ź joj zahinuła jašče adna cyvilnaja asoba. Jašče dva čałavieki, jakija supravadžali žurnalistku, paranienyja i špitalizavanyja.

Baulina vykonvała ŭ Kijevie redakcyjnaje zadańnie, paviedamiła jaje vydańnie. Jana zdymała razbureńni paśla abstrełu rasijskimi vojskami Padolskaha rajona Kijeva i patrapiła pad novy rakietny abstreł.

Da prychodu ŭ The Insider Aksana pracavała ŭ «Fondzie baraćby z karupcyjaj» Alaksieja Navalnaha. Paśla ŭniasieńnia arhanizacyi ŭ śpis ekstremisckich jana vymušanaja była źjechać z Rasii. U jakaści karespandenta Aksana pajechała va Ukrainu, dzie paśpieła zrabić niekalki repartažaŭ ź Lvova i Kijeva.

Siarod inšaha Aksana Baulina supracoŭničała z ruskamoŭnaj redakcyjaj «Biełsata» «Vot Tak».

Paviedamlajučy pra śmierć Baulinaj, kalehi Aksany pradekłaravali, što niahledziačy na heta «my praciahniem aśviatlać vajnu va Ukrainie, u tym liku i takija vajennyja złačynstvy Rasii, jak vybiralnyja abstreły žyłych rajonaŭ, dzie hinuć mirnyja žychary i žurnalisty».

Heta ŭžo druhaja śmierć žurnalista va Ukrainie, pra jakuju paviedamili ŚMI 23 sakavika. Ranicaj Nacyjanalny sajuz žurnalistaŭ Ukrainy paviedamiŭ pra toje, što ad minamiotnaha abstrełu zahinuŭ Viktar Dziadoŭ, apieratar miascovaha telekanała «Sihma» ŭ Maryupali. Jon pamior u błakavanym horadzie 11 sakavika…

Клас
0
Панылы сорам
0
Ха-ха
0
Ого
0
Сумна
0
Абуральна
0