Stancyja «Minskaja» (budučaja «Varšaŭskaja»?) u Kijeŭskim mietro
Pierajmienavać uvohule płanujecca adrazu niekalki stancyj kijeŭskaha mietro, nazvy jakich niejkim čynam źviazanyja z Rasijaj ci Biełaruśsiu — varožymi Ukrainie krainami.
«Naprykład, stancyja «Minskaja», — skazaŭ Kličko. — Ja liču, što kali ź Minska iduć pahrozy nam, z terytoryi Biełarusi ŭźlatajuć samaloty, jakija bambiać i vypuskajuć rakiety pa našych damach — niejki niesiabroŭski napamin. Ja pierakanany, što «Minskaja» moža stać «Varšaŭskaj». Heta horad, jaki dapamahaje Kijevu, vielmi šmat uciekačoŭ prymaje».
Kijeŭskaja rada razhledzić pytańnie ŭžo na najbližejšaj svajoj siesii.
Raniej paviedamlałasia, što razam z «Minskaj» moža być pierajmienavanaja i inšaja stancyja mietro ź biełaruskaj nazvaj — «Bieraściejskaja». Kali deputaty Kijeŭskaj haradskoj rady sapraŭdy prymuć takoje rašeńnie, to heta budzie peŭnym kurjozam, bo Bieraście ciesna źviazanaje z historyjaj nie tolki Biełarusi, ale i Ukrainy. Na heta źviartali ŭvahu ŭkrainskija historyki.
