Aleh Saŭčanka
Saŭčanka napisaŭ:
«Siabry, ja i maja kamanda ličym niedarečnym praviadzieńnie kancertaŭ u abstanoŭcy, jakaja skłałasia. Tur «ŁSP» pa haradach Rasii pieranosicca. Usie nabytyja raniej kvitki sapraŭdnyja!»
Aleh Saŭčanka — uradženiec Viciebska. U 2020-m hodzie jon publična padtrymaŭ biełaruskija pratesty. Muzyka, u pryvatnaści, tady adznačyŭ:
«Hanarusia žančynami, jakija vychodziać za našy ahulnyja intaresy, viedajučy, što siońnia dla talerantnych dubinak siłavikoŭ hiendar užo nie maje značeńnia. Hanarusia kiroŭcami, jakim raźbivajuć hałovy i aŭtamabili za hukavyja sihnały. Hanarusia kožnym — ad tych, chto stajaŭ za voknami vybarčych učastkaŭ i sprabavaŭ choć niešta ŭ ich razhledzieć, da tych, chto vyjšaŭ mirna vykazać svoj hramadzianski pratest i zahinuŭ ad źbićcia, kołaŭ śpiectechniki i kulaŭ. Za kožnaha ź ich ja malusia».
Paśla hetaha ŭvosień 2021-ha ŭ Minsku byŭ admienieny kancert hurta «ŁSP», jaki musiŭ adbycca ŭ Falcon Club — «pa niezaležnych ad artysta i arhanizatara pryčynach».
U śniežni 2021 hoda «ŁSP» zapisali trek pra tych, chto nie ŭciok i ciapier «zastajecca tut hnić». U pieśni jość radki pra sistemu, jakaja traščyć pa švach, ustupiŭšy ŭ boj z samoj saboj, i pra «pierahornutuju staronku».
