«Uciekačy dzielacca na pieršy i druhi kłasy — pa kolery skury, u zaležnaści ad taho, adkul jon — z raźvitoj abo słabaraźvitaj krainy. My rasisty, i heta drenna», — skazaŭ Papa Francišak.

Hetym jon tłumačyć toje, što mnohija krainy pryniali biežancaŭ z razburanaj vajnoj Ukrainy lepš, čym uciekačoŭ ź inšych častak śvietu. Adnačasova jon zajaviŭ, što pryznaje prava krain abaraniacca, ale, pa jahonych słovach, ahulnaja admova ad vinaŭ śvietu źjaŭlajecca vialikaj prablemaj.

«My žyviom idejaj, što my zabivajem adzin adnaho z-za nieabchodnaści ŭłady, biaśpieki, u mnohich rečach. Ja razumieju ŭrady, jakija kuplajuć zbroju. Ja ich razumieju, ale nie ŭchvalaju», — zajaviŭ Papa Rymski.

Pierad hetym zadumanyja Vatykanam płany simvaličnaha prymireńnia Ukrainy i Rasii vyklikali pratesty ŭkrainskaj abščyny Italii i ambasadara Ukrainy pry Najśviaciejšym tronie Andreja Juraša.

Pavodle vatykanskaha scenaryja, padčas sioletniaj Kryžovaj darohi na XIII stacyi kryž musili nieści ŭkrainka i rasijanka: Iryna i Albina, jakija pierajechali ŭ Italiju dva dziesiacihodździ tamu i razam pracujuć u chośpisie. Taki krok u Vatykanie tłumačyli sprobaj šukać prymireńnia, ale ŭkrainski bok nie ličyć takuju akcyju darečnaj u ciapierašnich umovach, pakolki jana razmyvaje roźnicu pamiž ahresaram i achviaraj.

Iryna i Albina

Iryna i Albina

Tym nie mienš, ad papiaredniaha scenaryja ŭ Vatykanie adstupili tolki častkova.

Iryna i Albina ŭsio ž taki pranieśli razam kryž da Kalizieja. U toj ža čas pieršapačatkovy tekst prynahodnaj malitvy byŭ značna skaročany i ź jaho byŭ vyklučany ŭryvak, dzie havaryłasia pra «brackija narody».

Клас
5
Панылы сорам
23
Ха-ха
1
Ого
0
Сумна
3
Абуральна
2