Uładzimir Jaromienak — były aktyvist «Maładoha frontu». U 2011 hodzie jon byŭ asudžany da troch hadoŭ kałonii za ŭdzieł u akcyi pratestu suprać falsifikacyi vynikaŭ vybaraŭ 19 śniežnia 2010 hoda.
Hetym razam Jaromienak byŭ zatrymany 23 sakavika 2022 hoda. Pa dadzienych praŭładnych telehram-kanałaŭ, jaho zatrymali za vyrab i raspaŭsiud bieł-čyrvona-biełaj simvoliki.
Spačatku Jaromienku prysudzili administracyjny aryšt, a zatym pierazatrymali pa kryminalnaj spravie ab hrupavych dziejańniach, jakija hruba parušajuć hramadski paradak (art. 342 KK). Paviedamlałasia, što jon nibyta pieradavaŭ BČB-ściahi «lidaram ekstremisckich jačejek», siarod jakich nazvany Źmicier Daškievič.
Sam Źmicier Daškievič praciahvaje znachodzicca ŭ niavoli. Jon byŭ pieraviedzieny ŭ SIZA-1.
