BATE skaryŭ «Šachcior» i zdabyŭ čaćviortuju pieramohu z čatyroch mahčymych. Fota: vk.com/fcshakhterby
Hałoŭny matč tura adbyŭsia na stadyjonie «Budaŭnik», što ŭ Salihorsku. Stary-novy nastaŭnik haspadaroŭ Siarhiej Tašujeŭ debiutavaŭ na čale harniakoŭ uzoru 2022 hoda.
Adnak ni źmieny ŭ składzie, ni transfarmacyja taktyki nie dapamahli «Šachcioru» spynić BATE.
Pamyłka kipiera Płotnikava dazvoliła paŭabaroncu Bačarovu adznačycca trapnym strełam sa štrafnoha — i hety miač zastaŭsia adzinym u sustrečy.
Adznačym, što barysaŭčanie atrymali čaćviortuju pieramohu z čatyroch mahčymych — i nie prapuścili ni miača na hetym adrezku.
A voś čempijon, jaki zvaliŭsia na vośmy radok, naadvarot, maje prablemy z nadziejnaściu tyłoŭ. Tolki suprać mahiloŭskaha «Dniapra» salihorskija futbalisty zhulali na «nul».
Tolki suprać mahiloŭskaha «Dniapra» salihorskija futbalisty zhulali na «nul». Fota: vk.com/fcshakhterby
Rezanansny vynik byŭ zafiksavany i ŭ stalicy, dzie «Dynama» za 90 chvilin tak i nie zdoleła skaryć «Biełšynu». Babrujsk u minułym siezonie vystupaŭ u pieršaj lizie, tamu razhladaŭsia jak aŭtsajder pary. Adnak hości cisk vytrymali — i stali pieršaj kamandaj pieršynstva, jakaja nie dazvoliła minčanam adznačycca.
Taksama varta adznačyć pieramohu «Tarpieda-BiełAZa». Paśla troch niaŭdač zapar kalektyŭ, jaki ŭklučali ŭ puł pretendentaŭ na zołata, skaryŭ debiutanta elity, dziaržynski «Arsienał». Jakasnaj hulni žodzincy nie prademanstravali, adnak minimalnaja viktoryja vidavočna źmienšyć cisk jak na kalektyŭ, tak i na hałoŭnaha treniera Dźmitryja Mołaša.
Astatnija matčy tura zaviaršylisia nastupnym čynam:
- Isłač — Nieman — 1:1
- Viciebsk — Słavija — 0:3
- Homiel — Dniepr — 3:1
- Dynama Brest — Enierhietyk-BDU — 1:2
Paśla čatyroch turaŭ lidarstva ŭ turniry trymaje BATE z 12 bałami, barysaŭčan pieraśleduje «Enierhietyk-BDU», u jakoha na rachunku 10 ačkoŭ, 9 — u aktyvie «Homiela».
«Naša Niva» adnaŭlaje zbor danataŭ — padtrymać prosta
«Homiel» pieramoh u mienšaści, chacia sastupaŭ 0:2, a čempijon zvolniŭ treniera ŭsiaho paśla troch turaŭ! Jarki finał futbolnaha paniadziełka ŭ krainie
