Fota: dmitriy.dm.568 / Facebook
«Jakija mety stavili pieršapačatkova, my ŭsie viedajem. Razzbrajeńnia Ukrainy nijakaha nie atrymałasia — zbroi budzie bolš, čym da pačatku śpiecapieracyi. Pastaŭki z usiaho śvietu hetamu paspryjajuć.
Palityčnaja ŭłada va Ukrainie tolki ŭmacujecca. Bolš papularnaha, bolš cytujemaha palityka ŭ śviecie, čym Zialenski, nie isnuje. Niama ŭžo parłamienta vialikaj cyvilizavanaj krainy, u jakoj by jon nie vystupiŭ.
Jašče była meta — pieramahčy fašystaŭ-narkamanaŭ. Nu hetaja meta taksama nie vykananaja. Tak zvanych fašystaŭ va Ukrainie stanie paśla «śpiecapieracyi» kali nie ŭ tysiaču, to ŭ sotni razoŭ bolš, čym było. Tamu tut taksama mima.
U vajennym płanie taksama ŭsio dziŭna. Stracili fłahman fłotu «Maskva». Heta aplavucha dla rasijskaj armii. Nie razumieju, jak heta dapuścili. Šmat pytańniaŭ z hetaj nahody. Ja nie budu ŭ tematyku vajennuju leźci, kamientavać z kanapy lohka. Ale, tym nie mienš, šmat pytańniaŭ.
Nu i ŭłasna što? I ničoha. Voś hetyja šmatchadoŭki… I plus da hetaha,
Rasija apynułasia ŭ poŭnaj izalacyi, razburanyja technałahičnyja łancužki, my stali izhojami, nas vyhnali z usich arhanizacyj.
Ciapier nabiahuć troli i pačnuć kryčać, što Pucin — najlepšy, što suprać nas vajujuć ZŠA i Zachad. Tut varta patłumačyć. Nijakaje NATA, nijakija ZŠA, nijaki Zachad z nami nie vajujuć. Viadoma, hetym trolam chočacca dumać, što jany vajujuć z usim śvietam. Ale nie, rabiatki. NATA nijakaje suprać vas nie vajuje. Možna skazać, što suprać vas vajujuć daradcy, niejkija instruktary, mahčyma, niejkaja raźviedinfarmacyja, ale na hetym usio i zakančvajecca — pastaŭkami zbroi, što i nie chavajuć. Pry hetym, kali słuchać ukrainski bok, vielmi niedastatkovymi. Ale chutka ŭsio naładzicca. Prajhravać žycharam Ukrainy, zrazumieła, vam nieachvota.
A ciapier pra adzinstva.
Adzinstva nie stała. Pamiž žycharami Ukrainy i Rasii nijakaja vaša śpiecapieracyja ničoha nie palepšyła, dla ruskaha śvietu i dla ruskich ničoha dobraha nie zrabiła. Vajna — heta zaŭsiody kroŭ, i jana raźjadnoŭvaje ludziej. Va ŭsich sałdat, jakija zmahajucca i pamirajuć, jość žonki, dzieci, babuli, dziaduli, dziadziečki, ciotački, siabry, kalehi, znajomyja, jakija ŭ roznaj stupieni nikoli vam hetaha nie darujuć. Heta pryčym z abodvuch bakoŭ. Heta tolki pamnažaje nianaviść i niehatyŭ. Tamu nijakaha parazumieńnia, dabryni, ruskaha śvietu — možacie pra jaho zabycca.
Nu i jašče była takaja meta — hiehiemoniju ZŠA i sajuźnikaŭ razburyć. Usio naadvarot. NATA adzinaje jak nikoli. Hiehiemonija ZŠA ź Jeŭropaj absalutnaja. Ciapier u Jeŭropie ŭsie zrazumieli, dla čaho isnuje błok NATA, i jon ciapier atrymlivaje druhoje naradžeńnie. Krainy, jakija navat z časoŭ chałodnaj vajny zastavalisia ŭ niejtralnym statusie, u hetaje samaje NATA ŭstupajuć.
Vinšuju vas z vašymi mnahachadovačkami. Hałoŭnaje, kali abas*alisia, zrabicie narmalny taki tvar, što ŭsio pa płanie, i pačynajcie pisać, što my ničoha nie razumiejem», — skazaŭ Dziomuškin.
- Dźmitryj Dziomuškin — ruski nacyjanalist, staršynia zabaronienych u Rasii pa abvinavačvańni ŭ ekstremiźmie arhanizacyj «Słavianski sajuz», «Słavianskaja siła», «Ruskija». Staršynia arhkamiteta partyi nacyjanalistaŭ, arhanizatar «Ruskich maršaŭ». Ličyć, što ruskija, ukraincy i biełarusy źjaŭlajucca adnym narodam.
