Zdymak ilustracyjny. Fota: autoblog.by
Elektrasamakaty — na rovarnyja darožki
Adna z navin tyčycca elektrasamakataŭ, hiraskutaraŭ, monakołaŭ, sihviejaŭ i inšych pryład. Dla ich uviedziena abahulenaje paniaćcie «srodak piersanalnaj mabilnaści» i vyznačany paradak vykarystańnia.
Pierasoŭvacca na takich pryładach nieabchodna budzie pa rovarnaj darožcy, a pry jaje adsutnaści — pa tratuary, piešachodnaj darožcy albo ŭzbočynie sa skoraściu nie vyšej za 25 km/h, nie stvarajučy pieraškody dla ruchu piešachodaŭ.
Vyznačajecca ŭzrostavaje abmiežavańnie na vykarystańnie srodkaŭ piersanalnaj mabilnaści — z 14 hadoŭ. Ale jano nie budzie dziejničać u žyłych i piešachodnych zonach.
Chutkasnyja limity
Ukaz aptymizuje chutkasnyja limity ŭ dačynieńni da transpartnych srodkaŭ. Tak, zamacoŭvajecca mahčymaść pieramiaščeńnia pa-za nasielenymi punktami na aŭtamahistralach i darohach dla aŭtamabilaŭ, matacykłaŭ, lehkavych aŭtamabilaŭ, hruzavych aŭtamabilaŭ masaj nie bolš za 3,5 t z chutkaściu nie bolš za 120 km/h, a dla aŭtobusaŭ — nie vyšej za 100 km/h.
Adnačasova ŭvodzicca novy darožny znak «Zona z abmiežavańniem maksimalnaj chutkaści ruchu». Pry jaho najaŭnaści chutkaść ruchu transpartnych srodkaŭ pa peŭnych terytoryjach, naprykład u zonie ščylnaj žyłoj zabudovy, abmiažoŭvajecca 30 km/h.
Pieravaha ŭ ruchu i zabarona na pieravozku pjanych na matacykle
Udakładniajecca paradak nadańnia pieravahi ŭ ruchu. Jana budzie ličycca nadadzienaj, kali adlehłaść pamiž transpartnym srodkam i nadychodziačym piešachodam skłała nie mienš za dźvie pałasy ruchu (pry ich najaŭnaści).
Akramia taho, zabaraniajecca pieravozić pasažyraŭ, jakija zaviedama znachodziacca ŭ stanie ałkaholnaha apjanieńnia, na matacykle (akramia bakavoha pryčepa da jaho) i mapiedzie. Pry hetym dadzienyja asoby pa patrabavańni supracoŭnikaŭ DAI buduć abaviazanyja prajści ahlad.
Bližniaje śviatło faraŭ
Taksama vyznačajecca abaviazak kiroŭcaŭ u pieryjad z 25 maja pa 5 červienia i z 25 žniŭnia pa 5 vieraśnia pry znachodžańni na darohach u śvietły čas sutak uklučać bližniaje śviatło faraŭ. Takim čynam, u Praviłach darožnaha ruchu zamacoŭvajucca akcyi, jakija štohod pravodziacca DAI, prymierkavanyja da pačatku i zakančeńnia navučalnaha hoda.
Źmieny dla viełasipiedystaŭ
Udaskanalvajecca paradak udziełu ravarystaŭ u darožnym ruchu. Zamacoŭvajecca abaviazak ich ruchu pa-za nasielenymi punktami ŭ ciomny čas sutak u vopratcy sa śviatłoadbiŭnymi elemientami. Vyklučeńnie buduć składać vypadki ruchu pa rovarnaj darožcy.
Pierasiakać prajeznuju častku ravaryst budzie abaviazany pa rovarnym pierajeździe ci rovarnaj darožcy, a pry ich adsutnaści — pa piešachodnym pierachodzie, na skryžavańni pa linii tratuaraŭ abo ŭzbočyn, nie stvarajučy pieraškod dla ruchu piešachodaŭ. Pry hetym viełasipiedyst budzie mieć prava nie śpiešvacca.
Praduhledžanyja źmieny ŭstupajuć u dziejańnie praz šeść miesiacaŭ paśla aficyjnaha apublikavańnia.
