«Biełaruś hałaŭnoha mozhu» — papularny prajekt, u ramkach jakoha aŭtary publikujuć palityčny kantent, a taksama kamientujuć naviny pra Biełaruś i pra vajnu ŭ Ukrainie. Na tielehram-kanał BHM padpisana kala 163 tysiač čałaviek.

Zasnavaŭ «Biełaruś hałaŭnoha mozhu» błohier Ihar Łosik, jakoha ŭ śniežni 2021 hoda ŭ ramkach «spravy Cichanoŭskaha» asudzili na 15 hadoŭ kałonii ŭzmocnienaha režymu.

Łosika abvinavacili ŭ raspalvańni sacyjalnaj varožaści «ŭ dačynieńni da pradstaŭnikoŭ ułady i pravaachoŭnych orhanaŭ», učynienaj hrupaj asob (Častka 3 artykuła 130 KK), i ŭ arhanizacyi masavych biesparadkaŭ (Častka 1 artykuła 293 KK).

«Ekstremisckimi farmavańniami» ŭ Biełarusi pryznanyja ŭžo bolš dvuch dziasiatkaŭ abjadnańniaŭ, fondaŭ, tielehram-kanałaŭ i ŚMI. Siarod ich taksama i «Naša Niva».

Клас
0
Панылы сорам
2
Ха-ха
0
Ого
0
Сумна
1
Абуральна
4