Fota: Delfi
Uniasieńnie papravak u Zakon «Ab hramadzianstvie» abhruntavany tym, što 24 lutaha Rasija raspačała vajennyja dziejańni na terytoryi Ukrainy.
Novaja redakcyja zakona praduhledžvaje, što hramadzianstva Łatvii moža być pazbaŭleny čałaviek, jaki pradstaviŭ značnuju finansavuju, materyjalnuju, prapahandysckuju, technałahičnuju abo inšuju padtrymku asobam, dziaržavam abo inšym utvareńniam, jakija ŭčynili takija dziejańni jak złačynstvy suprać miru, hienacyd, złačynstvy suprać čałaviečnaści, vajennyja złačynstvy, jakija pahražajuć terytaryjalnaj cełasnaści, suvierenitetu i niezaležnaści abo kanstytucyjnamu ładu. Taksama hramadzianstva mohuć być pazbaŭlenyja tyja asoby, jakija ŭdzielničali ŭ takich dziejańniach.
Ale status hramadzianina mohuć adabrać tolki ŭ tych, chto maje padvojnaje hramadzianstva. A tyja prychilniki vajennych złačynstvaŭ, u jakich jość tolki hramadzianstva Łatvii, zastanucca jaje hramadzianami.
