Raniej u internecie prajšła infarmacyja, što ź biełaruskich paliklinik źnikła vakcyna «Varyłryks», jakaja prymianiajecca dla prafiłaktyki vietranoj vospy.
«Ministerstva achovy zdaroŭja ščylna zajmałasia pytańniem arhanizacyi pastavak hetaha lekavaha preparata na terytoryju našaj krainy. Na žal, byŭ atrymany aficyjny adkaz ad firmy-vytvorcy GlaxoSmithKline ab tym, što na praciahu 2022 hady ŭ suviazi z hłabalnymi prablemami z vytvorčaściu pastaŭka hetaha vakcynnaha preparatu na terytoryju našaj krainy niemahčymaja», — skazała Vieranika Vysockaja.
Ministerstva achovy zdaroŭja ŭsio ž šukaje mahčymaści pastaŭki vakcyny ŭ Biełaruś.
Preparat «Varyłryks» vykarystoŭvajecca z metaj prafiłaktyki vietranoj vospy ŭ dziaciej, pačynajučy z 12 miesiacaŭ.
Taksama vakcyna vykarystoŭvajecca ŭ jakaści ekstranaj prafiłaktyki vietranoj vospy ŭ asob, jakija nie chvareli na jaje i nie byli pryščeplenyja raniej, i znachodzilisia ŭ ciesnym kantakcie z chvorymi na vietranuju vospu (členy siemjaŭ, lekary, siaredni i małodšy miedycynski piersanał, a taksama inšyja asoby).
Dla ekstranaj prafiłaktyki vakcyna moža prymianiacca ŭ pieršyja 96 hadzin ad momantu apošniaha kantaktu z chvorym na vietranuju vospu.