Zatrymany 39-hadovy inžynier Minskaj dystancyi arhanizacyi suviazi Biełčyhunki. Z mužčynam HUBAZiK zapisaŭ «pakajannaje» videa, u jakim jon kaža, što ŭ 2020-m hodzie «braŭ udzieł u niesankcyjanavanych mierapryjemstvach, a da niadaŭniaha času byŭ padpisany na ekstremisckija telehram-kanały, ź jakich rabiŭ reposty». Nibyta, za heta jaho i zatrymali.
HUBAZiK paviedamlaje, što fotazdymki z pratestnych maršaŭ čyhunačnik sa svajho telefona vydaliŭ, ale paśla zatrymańnia siłaviki ich adnavili. Taksama jany nibyta vyličyli, što niadaŭna ŭ «ekstremisckich» telehram-kanałach mužčyna cikaviŭsia videarolikami pra toje, jak sapsavać čyhunačnaje abstalavańnie.
Na zatrymanaha zaviali spravu pa art. 342 KK («Arhanizacyja i padrychtoŭka dziejańniaŭ, jakija hruba parušajuć hramadski paradak, albo aktyŭny ŭdzieł u ich»).
Dzie ciapier znachodzicca mužčyna, pakul nieviadoma.
