«My patrabujem nieadkładna vyzvalić usich zatrymanych prafsajuznych lidaraŭ i aktyvistaŭ, a taksama ŭsich palityčnych źniavolenych. My patrabujem nieadkładna spynić dyskryminacyju niezaležnych prafsajuzaŭ, represii, kampaniju pa zapałochvańni hramadskich i prafsajuznych aktyvistaŭ, ich administracyjnym i kryminalnym pieraśledzie, tatalnym źniščeńni svabody asacyjacyj.
My zaklikajem mižnarodnyja arhanizacyi, u tym liku prafsajuznyja, i pravaabaroncaŭ usich krain publična vykazać rašučy pratest suprać hrubych parušeńniaŭ pravoŭ čałavieka ŭ Biełarusi i dać acenku dziejańniam biełaruskich uład, vykarystoŭvać usie mahčymyja sposaby dla akazańnia ŭpłyvu na źmienu ciapierašniaj situacyi, a taksama praciahvać akazvać padtrymku arhanizacyjam hramadzianskaj supolnaści Biełarusi», — havorycca ŭ zajavie, padpisanaj pravaabarončym centram «Viasna», BCHK i Lawtrend
Nahadajem, što 19 krasavika ŭ ofisach prafsajuzaŭ i ŭ kvaterach aktyvistaŭ prajšli pieratrusy. U sieradu 20 krasavika stała viadoma pra zatrymańnie Alaksandra Buchvostava, Vitala Čyčmarova, Alaksandra Jarašuka, Iryny But-Husaim, Ihara Lednika (jon zatrymany jašče 18 krasavika), siońnia stała viadoma pra zatrymańnie aktyvista prafsajuza REP Vacłava Areški. Jon znachodzicca ŭ SIZA KDB.
Taksama niama suviazi ź Janaj Małaš, Hannaj Duś, Vasilom Bieraśniovym, Dźmitryjem Barodkam, Michaiłam Hromavym, Vadzimam Pajvinym, Juryjem Bielakovym.
Adziny, kaho paśla dopytu adpuścili — Ihar Komlik.
Usie hetyja ludzi — lidary i aktyŭ Biełaruskaha kanhresu demakratyčnych prafsajuzaŭ, a taksama Svabodnaha prafsajuza mietalistaŭ, Svabodnaha prafsajuza biełaruskaha, Niezaležnaha prafsajuza rabotnikaŭ radyjoelektronnaj pramysłovaści, jakija ŭvachodziać u jaho skład.
