Džo Bajden
Pry hetym Bajden dadaŭ, što nie pra ŭsiu zbroju, jakuju ZŠA pieradajuć Ukrainie, paviedamlajecca publična.
Taksama Złučanyja Štaty praciahnuć padtrymlivać Kijeŭ u śfiery raźvieddanych.
A jašče Bajden abviaściŭ, što marskim sudnam, źviazanym z Rasijaj, zabaroniena zachodzić u amierykanskija party.
Akramia taho, ZŠA vydatkoŭvajuć jašče pakiet dapamohi pamieram u 500 młn na padtrymku ekanomiki Ukrainy.
Pavodle słoŭ amierykanskaha prezidenta, hety pakiet budzie pryznačany dla stabilizacyi ekanomiki Ukrainy, padtrymki miascovych hramadaŭ, spustošanych rasijskaj akupacyjaj, a taksama dla apłaty pracy tych, chto va ŭmovach vajny praciahvaje zabiaśpiečvać akazańnie asnoŭnych pasłuh.
Taksama Bajden anansavaŭ uviadzieńnie novaj inicyjatyvy padtrymki ŭkraincaŭ, jakija imknucca pryjechać u ZŠA z achoplenaj vajnoj Ukrainy.
«Ja abviaščaju prahramu «Abjadnajeciesia dziela Ukrainy», novuju prahramu, jakaja dazvolić ukraincam, jakija šukajuć prytułku, pryjechać niepasredna ź Jeŭropy ŭ ZŠA», — zajaviŭ prezident ZŠA.
Hetaja prahrama dapoŭnić mahčymaści lehalnaha znachodžańnia hramadzian Ukrainy ŭ ZŠA, uklučajučy nadańnie im mihracyjnych vizaŭ i afarmleńnie statusu biežancaŭ. Dla hetaha mihranty, praŭda, pavinny mieć amierykanskaha sponsara, u pryvatnaści siamju abo niaŭradavuju arhanizacyju.