Rasijski tank, padbity pad Kijevam. Fota: Getty images.
«Ciapier u ukraincaŭ va Ukrainie bolš tankaŭ, čym u rasijan… I jany, biezumoŭna, umieła ich vykarystoŭvajuć», — skazaŭ čynoŭnik na ŭmovach ananimnaści.
Kolkaść tankaŭ va ŭkraincaŭ vyrasła jak dziakujučy pastaŭkam byłoj savieckaj techniki z Polščy dy inšych krain Centralnaj Jeŭropy, tak i dziakujučy trafiejnym rasijskim mašynam. Zhodna sa źviestkami Oryx, ukraincy zachapili jak minimum 212 rasijskich tankaŭ i 131 broniemašynu.
Pieršapačatkova Rasija mieła istotnuju pieravahu va ŭzbrajeńni. Ale sajuźniki Ukrainy dapamahajuć ukrainskim Uzbrojenym siłam adbić rasijskaje ŭvarvańnie, pastaŭlajučy, u tym liku, sučasnyja supraćtankavyja kompleksy.
ZŠA pastavili Ukrainie tysiačy procitankavych rakietnych kompleksaŭ «Džavielin». Trajektoryja rakiety «Džavielin», jak śćviardžaje vytvorca, kampanija Lockheed Martin, možna zadać tak, kab bojehałoŭka vybuchnuła nad vierchniaj, najbolš uraźlivaj branioj tanka.
Vialikabrytanija adpraviła Ukrainie tysiačy procitankavych sistem novaha pakaleńnia NLAW, jakija taksama skanstrujavanyja tak, kab padryvacca nad adnosna słaba abaronienaj źvierchu tankavaj viežaj.
Akramia taho, ZŠA pastaŭlajuć va Ukrainu supraćtankavyja bieśpiłotniki. Hetyja aparaty, nazvanyja «dronami-kamikadze», mohuć być zadziejničanyja za mnohija kiłamietry ad apieratara. Jany zavisajuć nad tankam i padajuć na jaho źvierchu, źniščajučy z dapamohaj ubudavanaj u ich bojehałoŭki.
Taksama vajskovyja ekśpierty havorać pra niaŭmiełaje vykarystańnie braniatechniki rasijskimi vajskoŭcami. Vojskam nie chapaje ŭmieńnia abychodzicca z technikaj. Časta rasijskija vajskoŭcy prosta kidali techniku ŭ poli.
Absalutnaja kolkaść tankaŭ sama pa sabie nie vyznačaje, na čyim baku pieravaha. Ale pieravaha Ukrainy ŭ tankach źjaŭlajecca istotnym indykataram, jaki pakazvaje, što ŭ ukraincaŭ źjaŭlajucca ŭmovy dla kontrnastupu.
