Na 1 krasavika ŭkrainski biznesmien paabiacaŭ addać svaju mašynu tamu, chto patopić krejsier «Maskva». I strymaŭ abiacanku
Prezident Asacyjacyi mižnarodnych ekśpiedytaraŭ Ukrainy Viktar Bieraścienka pieradaŭ bajcam Uzbrojenych sił Ukrainy svoj Dodge Challenger. Raniej, 1 krasavika, jon vykłaŭ fota aŭtamabila i napisaŭ, što addaść svaju mašynu mary tamu, chto źniščyć fłahman Čarnamorskaha fłotu RF — krejsier «Maskva».
Paviedamleńnie nie było pieršakrasavickim žartam, i 22 krasavika, vajskoŭcy atrymali svaju ŭznaharodu.
«Voś takija zvyčajnyja chłopcy, našyja abaroncy, jakija adpravili praklaty karabiel dla stvareńnia novaha doma čarnamorskaj fłory i faunie. Jak i abiacaŭ, addaŭ svajo aŭto», — prakamientavaŭ Bieraścienka praces pieradačy.
Jon adznačyŭ, što pa poli na hetaj mašynie prajechać naŭrad ci atrmajecca, ale z padtrymkaj maralnaha duchu i imknieńnia da pieramohi jana daść rady.