Fota: AP
«Bo jaho dastaŭka i asvajeńnie patrabujuć peŭnaha času, a bitva — heta maksimum dva-try tydni ad jaje pačatku. Viadoma, pieršaja častka pakieta paśpieje pryjechać i adyhrać svaju rolu. Ale praz dva-try tydni skončycca hety nastup.
A razam ź im, całkam mahčyma, skončycca i aktyŭnaja faza vajny, bo rasijskim vojskam bolš niama čym nastupać», — adznačyŭ Arastovič u intervju «Mieduzie».
Jon patłumačyŭ svoj prahnoz tempami vajny, kolkaściu zatračanych bojeprypasaŭ i strat.
«Heta nie značyć, što bai całkam spyniacca. Heta značyć, što spynicca aktyŭny nastup i, mahčyma, heta budzie apošni nastup druhoj fazy, bo ja nie viedaju, dzie jany voźmuć novyja reziervy. Kab ich padrychtavać, patrebny minimum miesiac, a to i dva. Za hety čas šmat čaho adbudziecca. I sankcyi pačnuć dziejničać, i ŭ mižnarodnym płanie niešta zdarycca, i USU mocna ŭmacujucca za hety čas», — miarkuje Arastovič.
Pavodle jaho słoŭ, razam z nastupa skončycca i aktyŭnaja faza vajny. Ciapier RF sabrała pieradapošnija apieratyŭnyja reziervy. U rajonie Biełharada — Vałujek dzieści 15 tysiač vojska. «Ale heta niaščasnyja, jakija vyjšli z-pad Kijeva, Sum i Čarnihava — — u ich psichałohija rasstralanych. Jany vielmi nie chočuć vajavać».
