Jak źmianilisia ceny na prajezd u ciahnikach ekanamkłasa

Kvitok na ciahnik rehijanalnych linij ekanamkłasa ź Minska ŭ Maładziečna ciapier kaštuje 2,38 rubla (raniej — 1,97 rubla), a sa stalicy ŭ Barysaŭ — 2,47 rubla (raniej — 2,04 rubla).

Prajezd u płackartnym vahonie ciahnika mižrehijanalnych linij ekanamkłasa ź Minska ŭ Hrodna z 26 krasavika kaštuje 15,87 rubla (raniej — 13,23 rubla), a kupejnym — 22,02 rubla (raniej — 18,35 rubla).

Na kolki padaražali kvitki na ciahniki biznes-kłasa

Samy tanny «kvitok» na ciahnik rehijanalnych linij biznes-kłasa ź Minska ŭ Połack z 26 krasavika abydziecca ŭ 14,95 rubla (raniejšaja cana — 12,46 rubla).

Minimalny košt kvitka sa stalicy ŭ Viciebsk ciahnikom mižrehijanalnych linij biznes-kłasa ciapier składaje ad 19,24 rubla (da pavyšeńnia — z 16,04 rubla), a samy vysoki — 38,48 rubla (było — 32,08 rubla). Na taki ž ciahnik ź Minska ŭ Brest kvitok ciapier kaštuje ad 21,23 da 42,45 rubla (raniej — ad 17,68 da 35,36 rubla).

Pajezdka ź Minska ŭ Babrujsk na ciahniku rehijanalnych linij biznes-kłasa z 26 krasavika abydziecca ŭ 8,8 rubla (raniej — 7,33 rubla). Takim ža ciahnikom sa stalicy ŭ Oršu ciapier možna dabracca za 10,76 rubla (raniej — 8,97 rubla).

Bilet ź Minska ŭ Barysaŭ na ciahnik mižrehijanalnych linij biznes-kłasa ciapier kaštuje ad 11,35 da 22,7 rubla (raniej — ad 9,46 da 18,93 rubla).

Jak vyraśli ceny na haradskija elektryčki

Kvitok na ciahnik haradskich linij ź Minska ŭ Smalavičy z 26 krasavika kaštuje 1,86 rubla (raniej — 1,55 rubla). Hetak ža źmianiłasia i cana na «kvitok» sa stalicy da Rudzienska, paviedamlaje Zerkalo.io.

Клас
0
Панылы сорам
3
Ха-ха
0
Ого
0
Сумна
4
Абуральна
3