Isnuje realnaja niebiaśpieka jadziernaj vajny, zajaviŭ u paniadziełak kiraŭnik MZS RF Siarhiej Łaŭroŭ. «Ciapier vielmi istotnyja ryzyki. Mnie b nie chaciełasia, kab ich štučna raździmali. Žadajučych niamała. Niebiaśpieka surjoznaja, realnaja. Jaje nielha niedaaceńvać», — skazaŭ jon u prahramie «Vialikaja hulnia» ŭ efiry «Pieršaha kanała».

Paraŭnoŭvajučy ciapierašniuju situacyju ź pieryjadam Karybskaha kryzisu, ministr zajaviŭ, što tady, jak i ciapier, było mała «pisanych praviłaŭ».

Ale, pavodle jaho słoŭ, Maskvie było zrazumieła, jak pavodzić siabie Vašynhton, a Vašynhtonu — jak pavodzić siabie Maskva. Łaŭroŭ skazaŭ, što ŭ časy Karybskaha kryzisu «byŭ kanał kamunikacyi, jakomu daviarali lidary SSSR i ZŠA». «Ciapier niama takoha kanała, i nichto nie sprabuje jaho stvaryć», — zajaviŭ kiraŭnik rasijskaha źniešniepalityčnaha viedamstva.

Jon taksama miarkuje, što pastaŭki Kijevu ŭzbrajeńniaŭ krainami — členami NATA źjaŭlajucca «proksi-vajnoj suprać Rasii». Uzbrojenyja Siły RF buduć razhladać składy hetych uzbrajeńniaŭ jak cel na terytoryi Ukrainy, paviedamiŭ Łaŭroŭ.

«Viadoma ž, hetyja ŭzbrajeńni buduć zakonnaj cellu dla rasijskich uzbrojenych sił, jakija dziejničajuć u ramkach śpiecyjalnaj ŭzbrojenaj apieracyi, — skazaŭ jon. — Kali NATA, pa sutnaści spravy, ustupaje ŭ vajnu z Rasijaj praz proksi i uzbrojvaje hetaje proksi, to na vajnie jak na vajnie».

Maskva nie admaŭlajecca ad patrabavańniaŭ, jakija vysunuła na pačatku poŭnamaštabnaha vajskovaha ŭvarvańnia va Ukrainu, paćvierdziŭ kiraŭnik MZS RF.

«Toje, što my ličym nieabchodnym, było abvieščana prezidentam Rasii Pucinym: źniščeńnie vajennaj infrastruktury ŭ kantekście demilitaryzacyi krainy, ź jakoj rabili pramuju pahrozu Rasii, pa vyrazie Pucina, «antyrasiju».

Клас
0
Панылы сорам
5
Ха-ха
2
Ого
0
Сумна
0
Абуральна
21