Situacyja ŭ Prydniastroŭi abvastryłasia ŭ paniadziełak. 25 krasavika ŭ budynku Ministerstva dziaržbiaśpieki niepryznanaha Prydniastroŭja ŭ Ciraspali adbyłosia niekalki vybuchaŭ. Pavodle papiarednich danych, streły byli zroblenyja z ručnoha supraćtankavaha hranatamiota.
26 krasavika prydniastroŭskaje MUS paviedamiła ab padryvie dvuch vyšak na terytoryi radyjotelecentra ŭ pasiołku Majaki Hryharyjopalskaha rajona, abstralanaja była vyjskovaja častka ŭ Parkanach.
U Prydniastroŭi ŭstanavili «čyrvony» ŭzrovień terarystyčnaj pahrozy.
U haradach buduć ustanoŭleny błokpasty. Vybaračna buduć nadhladać tych, chto ŭjazdžaje ŭ harady dniom, i ŭsich, chto budzie ŭjazdžać u nasieleny punkt nočču,
— siłavyja struktury pieraviedzieny na ŭzmocnieny režym niasieńnia słužby,
— haradskija adukacyjnyja ŭstanovy Prydniastroŭja pieraviedzieny da kanca navučalnaha hoda na dystancyjny režym navučańnia.
