Hintare Skajście, Delfi.lt
Ministr sustrełasia ŭ Vašynhtonie z členami Amierykana-litoŭskaj rady pa biznesie i z kiraŭnictvam ekspartna-impartnaha banka ZŠA, abmierkavała ź imi nieabchodnaść pašyreńnia ekanamičnaha supracoŭnictva pamiž krainami i raźvićcio inviestycyj, paviedamili ŭ Minfinie.
«Uličvajučy vajnu Rasii va Ukrainie i inšyja hieapalityčnyja vykliki, vielmi važna i dalej pahłyblać litoŭska-amierykanskija ekanamičnyja suviazi, pryciahvać inviestycyi i takim čynam dapamahać našamu biznesu pieraaryjentavacca, pierabudavać łancužki pastavak i pierachodzić da značna bolš stabilnych i nadziejnych zachodnich partnioraŭ i rynkaŭ», — adznačyła Skajście ŭ pres-relizie.
Pa danych Ministerstva, inviestycyi mohuć być nakiravanyja ŭ stratehična važnyja haliny — ad enierhietyki da abłaściej z vysokaj dadadzienaj vartaściu, takich, jak bijatechnałohii abo infarmacyjnyja technałohii. Złučanyja Štaty źjaŭlajucca šostym pa vieličyni handlovym partnioram Litvy z tavaraabarotam, bolšym za 3 młrd. jeŭra ŭ hod.
