Maja Sandu adznačyła, što toje, što adbyvajecca ŭ prydniastroŭskim rehijonie, źjaŭlajecca eskałacyjaj napružanaści.
«Na praciahu niekalkich tydniaŭ byli iłžyvyja papiaredžańni ab vybuchach, potym byli ŭčorašnija vybuchi ŭ štab-kvatery MDB i na aeradromie ŭ Ciraspali. My ŭvažliva sočym za tym, što adbyvajecca, i naš analiz pakazvaje, što pamiž roznymi siłami isnuje napružanaść. Hetyja dziejańni stvarajuć ryzyki dla miru ŭ krainie. Kišynioŭ nastojvaje na mirnym urehulavańni prydniastroŭskaha kanfliktu», — adznačyła Sandu.
Kiraŭnik dziaržavy adznačyła, što siońnia rada biaśpieki rekamiendavała publičnym ustanovam: pavysić intensiŭnaść pravierak ruchu ŭ prylehłaj zonie biaśpieki; pavysić intensiŭnaść patrulavańnia i pravierak na terytoryi Małdovy i na miažy; pavysić uzrovień pilnaści ŭ dačynieńni da zabieśpiačeńnia krytyčna važnych infrastrukturnych metaŭ dy inšaje.
«Hetyja dziejańni adbyvajucca na terytoryi, nie kantralavanaj Respublikaj Małdova, ale tam znachodziacca našy hramadzianie. My pa-raniejšamu adkrytyja dla ŭrehulavańnia situacyi z dapamohaj dyjałohu», — zajaviła Sandu.
