Vałabujeŭ u intervju adznačyŭ, što sam jon naradziŭsia ŭ Achtyrcy Sumskaj vobłaści Ukrainy, i zachavaŭ suviazi ź siabrami i svajakami va Ukrainie. Jon zajaviŭ taksama, što rašeńnie ab tym, kab pakinuć Rasieju, pryjšoŭ da jaho ŭ 2014 hodzie.
«Jašče ŭ 2014 hodzie ja zrazumieŭ, što toje, što adbyvajecca ŭ Rasii — pahroza nie tolki dla Rasii, nie tolki dla Ukrainy, uvohule, heta nasamreč pahroza dla ŭsiaho śvietu. 24 čysła, kali ŭsio pačałosia, u mianie telefon razryvaŭsia. Mnie telefanavała masa ludziej, jakija prasili mianie zrabić što-niebudź. Ja nikoli takich hałasoŭ nie čuŭ», — skazaŭ jon.
Vałabujeŭ taksama siarod inšaha prakamientavaŭ paviedamleńnie ab śmierci byłoha vice-prezidenta «Hazprambanka» Uładzisłava Avajeva. Pa słovach Vałabujeva, toje, što adbyłosia, chutčej, źjaŭlajecca insceniroŭkaj samahubstva. Avajeva, a taksama jahonuju žonku i dačku znajšli miortvymi 18 krasavika. Rasijskija ŚMI sa spasyłkaj na Śledčy kamitet pisali, što mieniedžer zabiŭ žonku i dzicia, a potym skončyŭ žyćcio samahubstvam.
