«Biełharodskaja, Varoniežskaja, Kurskaja vobłaści ciapier taksama pačynajuć aktyŭna vyvučać takoje paniaćcie, jak «demilitaryzacyja». U hetych rasijskich abłaściach pieryjadyčna harać bujnyja paliŭnyja bazy, jakija zabiaśpiečvajuć palivam bronietechniku armii RF, i vybuchajuć składy bojeprypasaŭ. Pa roznych pryčynach.
I robiać heta ŭsio bolš aktyŭna i bolš upeŭniena. Jak heta rastłumačyć? Vielmi prosta.
Kali vy (ruskija) vyrašyli masava atakavać inšuju krainu, masava zabivać tam usich spres, masava raściskać tankami mirnych ludziej, a dla zabieśpiačeńnia zabojstvaŭ karystajeciesia składami ŭ svaich abłaściach, to rana ci pozna daŭhi pryjdziecca viartać.
Pry takoj intensiŭnaści i abjomie rasijskaha vajennaha ŭvarvańnia va Ukrainu adsiedziecca nie atrymajecca. I tamu razzbrajeńnie biełharodska-varoniežskich składaŭ «zabojcaŭ» — absalutna naturalny, pryrodny praces. Karma — štuka žorstkaja.
I znoŭ ža paŭtaru: pryčyny razbureńnia vajennaj infrastruktury pryhraničnych abłaściej mohuć być zusim roznymi. Ažno da … božaha ŭmiašańnia ŭ spravy hrešnikaŭ, jakija ŭ Vialiki tydzień masava zabivali ludziej va ŭkrainskim Maryupali».
Nahadajem, što siońnia ŭnačy i niekalki dniami raniej adbyłosia niekalki vybuchaŭ i pažaraŭ na składach i naftabazach u Varoniežskaj, Biełharadskaj i Kurskaj abłaściach.
