«Doŭhija hady mierkaj «demakratyčnaści» našaj krainy, jaje pravy ŭvajści ŭ tak zvanaje koła «cyvilizavanych» dziaržaŭ Rady Jeŭropy abumoŭlivałasia ŭviadzieńniem u našaj krainie maratoryja na śmiarotnaje pakarańnie. <…>
Niaspynnaja hibrydnaja vajna suprać našaj krainy ź nieprychavanaj metaj ścierci Biełaruś u hieapalityčnych žornach vyvieła sapraŭdnuju sutnaść kalektyŭnaha Zachadu i zaakijanskich kurataraŭ, pry hetym u Złučanych Štatach, u tak zvanaj apory «demakratyi», spraŭna praciahvaje funkcyjanavać elektryčny stuł, a na prykładzie Ukrainy, jakaja dva dziesiacihodździ tamu admianiła śmiarotnaje pakarańnie my, na vialiki žal, bačym plon «demakratyi» i toje, da čaho moža pryvieści dziaržavy voś heta prytrymlivańnie zachodnim instrukcyjam», — zajaviła deputatka.
Varta adznačyć, što śmiarotnaha pakarańnia niama i ŭ Rasii, ale Ananič pra heta čamuści nie zhadała.
