Havorka idzie pra vahony-cysterny, jakija pierasiekli miažu z Ukrainaj 23 lutaha, za dzień da pačatku vajny. U ich źmiaščałasia 3 tysiačy tonaŭ dyzielnaha paliva vytvorčaści Biełarusi i Rasii.
«Paśla ŭvarvańnia jany faktyčna zabiaśpiečvali łahistyku rasijskich vojskaŭ, jakija nastupali ŭ napramku Čarnihaŭ — Sumy», — havorycca ŭ paviedamleńni.
Adznačajecca, što častka cysternaŭ była paškodžanaja ŭ chodzie bajoŭ u Čarnihaŭskaj vobłaści.
U suviazi z hetym paviedamlajuć, što raspačataja kryminalnaja vytvorčaść pa č. 1 art. 437 KK Ukrainy (płanavańnie, padrychtoŭka ci raźviazvańnie ahresiŭnaj vajny abo vajennaha kanfliktu, a taksama ŭdzieł u zmovie, nakiravanaj na ździajśnieńnie takich dziejańniaŭ). U dačynieńni da kaho, praŭda, nie ŭdakładniajecca.
