Usie fota: ukrpravda_news / Telegram
Mer Vadzim Bojčanka padziakavaŭ kožnamu, chto zrabiŭ mahčymym vyratavańnie maryupalcaŭ.
«My ŭdziačnyja ŭsim udzielnikam evakuacyjnaj misii — pradstaŭnikam AAN, Mižnarodnaha Čyrvonaha Kryža i ministru Irynie Vieraščuk. Dziakujučy abjadnańniu namahańniaŭ nam udałosia vyratavać maryupalcaŭ z hetaha piekła», — padkreśliŭ jon.
Siońnia stała viadoma, što rasijskija vojski adnavili šturm «Azoŭstali». Paśla bambiožki rasijskaj avijacyjaj na zavodzie ŭźnik maštabny pažar.
Namieśnik kamandzira pałka «Azoŭ» Śviatasłaŭ Pałamar raspavioŭ, što zavod bambili ŭsiu noč, zahinuli dźvie hramadzianskija žančyny. Minabarony Rasii, u svaju čarhu, abvinavaciła ŭkrainskich vajskoŭcaŭ, što jany nibyta skarystalisia režymam cišyni na «Azoŭstali» i vyjšli na ahniavyja pazicyi.
