Fota: Minabarony
«Niama nijakich prykmietaŭ taho, što Biełaruś maje namier uziać aktyŭny ŭdzieł u vajnie va Ukrainie. I ja dazvolu im samim havaryć pra svaje vučeńni. Ale my nie adsočvajem prykmietaŭ taho, što jany płanujuć abo majuć namier napramuju ŭdzielničać u vajnie va Ukrainie», ‒ adkazaŭ Kirbi.
Alaksandr Łukašenka kamientavaŭ raptoŭnuju pravierku ŭzbrojenych sił, jakaja idzie zaraz u Biełarusi.
«My nikomu nie pahražajem i pahražać nie źbirajemsia. I nie budziem heta rabić. Bolš za toje, dy i pahražać my nie možam: my viedajem, chto nam supraćstaić. Tamu raźviazvać niejki kanflikt, niejkuju vajnušku na Zachadzie absalutna nie ŭ intaresach biełaruskaj dziaržavy. Tamu niachaj Zachad śpić spakojna», — skazaŭ Łukašenka.
U Biełarusi 4 maja pačałasia raptoŭnaja pravierka sił reahavańnia.
U Minabarony adznačyli, što pravierka nie niasie niebiaśpieki mižnarodnaj supolnaści. Jaje meta, pa infarmacyi Minabarony RB, — acanić zdolnaść asabovaha składu da apieratyŭnaha reahavańnia ŭ kryzisnych situacyjach.
