Fota: Police Cantonale Fribourg / AFP / Getty
Supracoŭniki zavoda ŭ horadzie Ramon, što ŭ zachodnim šviejcarskim kantonie Fryburh, znajšli biełaje rečyva, kali vyhružali dastaŭlenyja na pradpryjemstva miaški z kavavym zierniem. Paźniej palicyja vyśvietliła, što tajamničaje rečyva — heta kakain, piša Guardian.
Pravaachoŭniki praviali pieratrus u piaci hruzavych kantejnierach, dastaŭlenych u toj dzień, i ŭ vyniku kanfiskavali bolš za paŭtony narkotyku. Ale, jak śviedčyć palicyja, kantejniery z kakainam byli izalavanyja, u vyniku rečyva nie zabrudžvała praces vytvorčaści na zavodzie i adpaviedna nie mahło trapić u hatovuju kavu.
Pieršapačatkovaje rasśledavańnie śviedčyć, što niezvyčajny hruz trapiŭ na zavod z Brazilii. Čyścinia kanfiskavanaha kakainu skłała 80%, a ahulny košt partyi pieravysiŭ 51 miljon dalaraŭ. Palicejskija ličać, što kakain byŭ pryznačany dla jeŭrapiejskaha rynku.
Čytajcie taksama:
Mańjaki pobač z nami. Jak siabar hadami šantažavaŭ viadomaha futbalista ananimnymi mesedžami
