Alaksiej Reźnikaŭ
Ministr zhadaŭ, što nie minuła niebiaśpieka ŭstupleńnia ŭ spravu na baku Rasii biełaruskaha vojska:
«Uzdoŭž miažy Ukrainy ź Biełaruśsiu aktyŭnyja manieŭry robiać biełaruskija vojski. My vymušanyja reziervavać častku siłaŭ na vypadak, kali Maskva dadušyć Minsk i vymusić jaho da adkrytaha ŭvarvańnia».
Vajna, pavodle Reźnikava, pierachodzić u zaciažnuju fazu. Na Chiersonščynie, u Zaparožskaj vobłaści akupanty robiać inžyniernyja i fartyfikacyjnyja raboty, kab pierajści da abarony.
Vajna razburaje ŭkrainskuju ekanomiku. Jaje zaciahvańnie stvaraje ryzyku hłabalnaha charčovaha kryzisu, a taksama čarhovaha mihracyjnaha kryzisu.
U toj ža čas Rasiju možna pieramahčy na poli boju. Heta vyzvalić śviet ad tyranii, a Jeŭropu — ad pastajannaj pahrozy. Tamu, na dumku Reźnikava, zadača mižnarodnaj supolnaści — nie dać Rasii zaciahnuć kanflikt:
«Tamu my vielmi zacikaŭlenyja atrymlivać mižnarodnuju dapamohu, kuplać zbroju maksimalna chutka i ŭ patrebnych kolkaściach. Nam patrebnyja tanki, broniemašyny, srodki paražeńnia na vialikich dystancyjach (MLRS, ciažkaja artyleryja, avijacyja, rakiety)».
Akramia taho, ministr abarony Ukrainy bačyć patrebu pavysić efiektyŭnaść mižnarodnaj dapamohi za košt lepšaj kaardynacyi namahańniaŭ usich partnioraŭ.
«My sapraŭdy cenim padtrymku, jakuju vy akazvajecie, i razumiejem, što jana nie moža być biaźmiežnaj. Tamu zacikaŭlenyja ŭ jaje maksimalna efiektyŭnym vykarystańni», — padsumavaŭ Reźnikaŭ.
