Siarod ich — kala 50 čałaviek ź ciažkimi ranieńniami.

Pavodle paviedamleńniaŭ, uviečary ŭ aŭtorak čarhovaja kałona ź siami aŭtobusaŭ u supravadžeńni rasijskich vajskoŭcaŭ prybyła ŭ pasiołak.

Mierkavałasia, što paranienyja buduć u špitali i atrymajuć nieabchodnuju miedycynskuju dapamohu, dziela jakoj jany pahadzilisia na evakuacyju z «Azoŭstali», dzie znachodzilisia apošnija dva miesiacy.

Daradca mera Maryupala Piotr Andruščanka na minułym tydni ŭ svaim telehram-kanale nazyvaŭ kałoniju ŭ Alenieŭcy «sapraŭdnym kancentracyjnym łahieram XXI stahodździa, stvoranym Rasijaj u centry Jeŭropy».

Ludziej, pavodle jaho słoŭ, tam trymajuć u žachlivych umovach, kormiać nie kožny dzień, miedycynskuju dapamohu nie akazvajuć. «Tam utrymlivajucca rodnyja vajskoŭcaŭ, byłyja rabotniki pravaachoŭnych orhanaŭ, aktyvisty, žurnalisty i ludzi, jakija prosta vyklikali padazreńnie (uklučajučy prosta najaŭnaść patryjatyčnych tatuirovak)», — raspavioŭ Andruščanka.

U svaim viačernim zvarocie prezident Ukrainy Uładzimir Zialenski skazaŭ, što evakuacyja ŭkrainskich vajskoŭcaŭ z pradpryjemstva «Azoŭstal» u Maryupali praciahvajecca.

«Joj kirujuć našy vajskoŭcy i raźviedčyki. Pryciahnutyja samyja ŭpłyvovyja mižnarodnyja pasredniki», — skazaŭ kiraŭnik dziaržavy.

Pavodle paviedamleńnia TASS, Śledčy kamitet RF płanuje dapytać ukrainskich vajskoŭcaŭ u ramkach rasśledavańnia tak zvanych «złačynstvaŭ ukrainskaha režymu». Jakija mietady dopytaŭ buduć prymianiać rasijskija śledčyja, nie ŭdakładniajecca.

Ukrainskaje kiraŭnictva kaža, što ich abmianiajuć na rasijskich vajennapałonnych, ale ŭ rasijskaj Dziarždumie ŭ aŭtorak zajavili, što «nacysckija złačyncy» nie padlahajuć abmienu.

Maryupal, raźmieščany na paŭdniovym uschodzie Ukrainy, byŭ akružany z pačatku sakavika i ciapier u asnoŭnym znachodzicca pad kantrolem rasijskich vojskaŭ.

U vyniku praciahłaj abłohi, pastajannych artyleryjskich abstrełaŭ i bambavańniaŭ z pavietra horad padvierhnuŭsia značnym razbureńniam. Dakładnuju kolkaść achviar siarod mirnaha nasielnictva na hety momant ustanavić niemahčyma.

Pa infarmacyi miascovych uładaŭ i mižnarodnych arhanizacyj, lik zahinułych idzie na tysiačy.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?