Fota z sacsietak dziaŭčyny
Siłaviki paviedamili pra zatrymańnie 36-hadovaj Aleny Žarynaj. Joj inkryminujecca ŭdzieł u pratestach u 2020 hodzie, a taksama vyviešvańnie ściaha va ŭłasnym domie — akurat nasuprać BT.
Alena vałodaje kampanijaj ameh.by, jakaja zajmajecca restaŭracyjaj i šyćciom miechavych vyrabaŭ. U Instahram kampanii ažno 16 tysiač padpisantaŭ.
Miarkujučy pa videa siłavikoŭ, u dziaŭčyny raśsiečanaja hałava, a miesca raśsiačeńnia zaklejenaje płastyrami. Nie vyklučana, što jana atrymała traŭmy padčas zatrymańnia.
Zhodna z dopisam u łukašysckim kanale, joj vystaŭlenaje abvinavačańnie pa artykule 342 KK (arhanizacyja dziejańniaŭ, jakija hruba parušajuć hramadski paradak, abo aktyŭny ŭdzieł u ich).
«Naša Niva» źviazałasia sa znajomymi dziaŭčyny, kab daviedacca, što zdaryłasia ź joj, ale nie atrymali adkaz.
